ഒരു ലക്ഷത്തിന്റെ ഐഫോൺ X ഒഎൽഎക്സിൽ വിൽക്കുന്നത് കൂടിയ വിലയ്ക്ക്

വെള്ളിയാഴ്ച വൈകീട്ടാണ് ആപ്പിളിന്റെ ഏറ്റവും പുതിയ ഹാൻഡ്സെറ്റ് ഐഫോൺ X വിതരണം തുടങ്ങിയത്. മിക്കവരും മണിക്കൂറുകളോളം ക്യൂ നിന്നാണ് ഹാൻഡ്സെറ്റ് സ്വന്തമാക്കിയത്. എന്നാൽ ഇപ്പോൾ ഇതേ ഹാൻഡ്സെറ്റുകൾ ഒഎൽഎക്സിലൂടെയും വാങ്ങാം.

ഒഎൽഎക്സിൽ വിൽക്കാൻ വെച്ചിരിക്കുന്നത് ഒരു ലക്ഷം രൂപ നൽകി ആദ്യദിനം തന്നെ ഐഫോൺ X സ്വന്തമാക്കിയവരാണ്. പുതിയ ഐഫോൺ X ന് ഒഎൽഎക്സ് വില ഒന്നര ലക്ഷം മുതൽ ഒന്നേക്കാൽ ലക്ഷം രൂപ വരെയാണ്.

ഒന്നര ലക്ഷം രൂപയാണ് 256 ജിബി വേരിയന്റ് ഐഫോൺ X ന് വിലയിട്ടിരിക്കുന്നത്. 1,02,000 രൂപയാണ് ഇതേ ഹാൻഡ്സെറ്റിന്റെ വിപണി വില . ഏകദേശം മൂന്നൂറോളം പേർ പുതിയ ഐഫോൺ X ഒഎല്‍എക്സിൽ വിൽപനയ്ക്ക് വെച്ചിട്ടുണ്ട്