കാ​റിനെ മ​റി​ക​ട​ന്ന​തി​ല്‍ പ്ര​കോ​പി​ത​നാ​യി കൊലപാതകം നടത്തിയ റോ​ക്കി യാ​ദ​വ് കു​റ്റ​ക്കാ​ര​നെ​ന്നു കോ​ട​തി

ഗ​യ: താ​ന്‍ ഓ​ടി​ച്ചി​രു​ന്ന ആ​ഡം​ബ​ര എ​സ് യു​വി​യെ ചെറിയ കാ​ര്‍ മ​റി​ക​ട​ന്നതിന്റെ പേരില്‍ പ്ര​കോ​പി​ത​നാ​യി കൊലപാതകം നടത്തിയ റോ​ക്കി യാ​ദ​വ് കു​റ്റ​ക്കാ​ര​നെ​ന്നു കോ​ട​തി കണ്ടെത്തി. റോ​ക്കി യാ​ദ​വിന്റെ ക്രൂരതയക്ക് ഇരയായത് പ​ന്ത്ര​ണ്ടാം ക്ലാ​സു​കാ​ര​നായ വിദ്യാർത്ഥിയാണ്. റോ​ക്കി​ക്കു​ള്ള ശി​ക്ഷ സെ​പ്തം​ബ​ര്‍ ആ​റി​ന് ഗ​യ ജി​ല്ലാ കോ​ട​തി വി​ധി​ക്കും.

കൊ​ല്ല​പ്പെ​ട്ട വി​ദ്യാ​ര്‍​ഥി​യോ​ടൊ​പ്പ​മു​ണ്ടാ​യി​രു​ന്ന ര​ണ്ടു സു​ഹൃ​ത്തു​ക്ക​ള്‍ വാ​ദ​ത്തി​നി​ടെ സാ​ക്ഷി മൊ​ഴി മാ​റ്റി പ​റ​ഞ്ഞ​തു കേ​സി​നു വെ​ല്ലു​വി​ളി​യാ​യി​രു​ന്നു. എ​ന്നാ​ല്‍ സം​ഭ​വ സ്ഥ​ല​ത്തു​നി​ന്നു പോ​ലീ​സ് റോ​ക്കി യാ​ദ​വി​ന്‍റെ തോ​ക്ക് ക​ണ്ടെ​ത്തി​യ​തു നി​ര്‍​ണാ​യ​ക തെ​ളി​വാ​യി.

2016 മേ​യ് ഏ​ഴി​നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ജെ​ഡി​യു എം​എ​ല്‍​സി​യാ​യി​രു​ന്ന മ​നോ​ര​മ ദേ​വി​യു​ടെ മ​ക​നാ​ണ് രാ​കേ​ഷ് ര​ഞ്ജ​ന്‍ എ​ന്ന റോ​ക്കി യാ​ദ​വ്. സം​ഭ​വ​ത്തി​നു ശേ​ഷം ഇ​വ​രെ പാ​ര്‍​ട്ടി​യി​ല്‍​നി​ന്നു പു​റ​ത്താ​ക്കു​ക​യാ​യി​രു​ന്നു. കേ​സി​ല്‍ തെ​ളി​വു ന​ശി​പ്പി​ക്ക​ല്‍ കു​റ്റ​ത്തി​ന് റോ​ക്കി യാ​ദ​വി​ന്‍റെ അ​ച്ഛ​നും ബി​സി​ന​സു​കാ​ര​നു​മാ​യ ബി​ന്ദി യാ​ദ​വി​നെ​തി​രെ മ​റ്റൊ​രു കേ​സു​ണ്ട്.