റാസ്‌ അൽ ഖൈമ; ഇന്നലെ റാസ്‌ അൽ ഖൈമയിലെ സി ഐ ഡി അറസ്റ്റ് ചെയ്തത് വ്യത്യസ്തമായ രീതിയിൽ അതി വിദഗ്ദ്ധമായി മോഷണം നടത്തിയ ഒരു കള്ളനെയാണ്. വെറും 48 മണിക്കൂർ കൊണ്ട് 13 കടകളിലാണ് ഇയാൾ മോഷണം നടത്തിയത്. കടയുടമകൾ നൽകിയ പരാതിയിൽ അന്വേഷണം ആരംഭിച്ച പോലീസ് സി സി ടി വി ദൃശ്യങ്ങൾ പരിശോധിച്ചതിൽ നിന്നും സംശയാസ്പദമായി കണ്ട ആളെ നിരീക്ഷിക്കുകയായിരുന്നു.
മുഖം മൂടി ധരിച്ച് കയ്യിൽ ഗ്ലൗസ് ഇട്ട് കൈയിൽ നീളമുള്ള ഒരു കത്തിയുമായാണ് ഇയാൾ കടകളിൽ മോഷണം നടത്തിയത്. വിരലടയാളം കൊണ്ട് പിടിക്കാതിരിക്കാന്‍ കൈയുറകള്‍ ധരിച്ചാണ് മോഷ്ടാവ് കൃത്യം നടത്തിയത്. ഇയാള്‍ നടക്കുന്ന രീതി വെച്ച് പൊലീസ് പിന്തുടരുകയായിരുന്നു. കയ്യിലുള്ള കത്തികൊണ്ട് ഇയാൾ കടകൾ കുത്തിത്തുറക്കുന്നത് ക്യാമറയിൽ പതിഞ്ഞിരുന്നു. ഇയാൾ അറസ്റ്റ് ചെയ്ത പൊലീസിന് കടകളിൽ നിന്ന് മോഷണം പോയ സാധനങ്ങളും പണവും ഇയാളിൽ നിന്ന് കണ്ടെടുക്കാനായി.
Post Your Comments