അമൃത്സര്‍: മുന്‍ എംപിയും ക്രിക്കറ്റ് താരവുമായ നവജോത് സിങ് സിദ്ദു ആവാസ് ഇ പഞ്ചാബ് എന്ന പുതിയ പാര്‍ട്ടിയുടെ ഔദ്യോഗിക പ്രഖ്യാപനം നടത്തി. മുന്‍ ഹോക്കി താരവും എംഎല്‍എയുമായ പ്രഗത് സിങും നവജോത് സിങും ചേര്‍ന്നാണ് പാര്‍ട്ടി രൂപീകരിച്ചിരിക്കുന്നത്. അടുത്ത വര്‍ഷം പഞ്ചാബിലെ നിയമസഭാ തെരഞ്ഞെടുപ്പില്‍ ആവാസ് ഇ പഞ്ചാബ് മത്സരിക്കും.
12 വര്‍ഷമായി ബിജെപിയില്‍ പ്രവര്‍ത്തിക്കുന്ന അംഗമായിരുന്നു സിദ്ദു. ബിജെപിയിൽ നിന്ന് ഇറങ്ങിയതിനു ശേഷം എഎപിയിലേക്ക് പോകും എന്ന സൂചനകളും വന്നിരുന്നു. എന്നാല്‍ മുഖ്യമന്ത്രി സ്ഥാനാര്‍ത്ഥിത്വത്തെ ചൊല്ലിയുള്ള തര്‍ക്കത്തില്‍ എഎപി പ്രവേശനം നിഷേധിക്കുകയായിരുന്നു.
Post Your Comments