റിയോ ഡി ജനീറോ: ഒളിമ്പിക്സിൽ ഇന്ത്യക്ക് വിജയത്തുടക്കവുമായി വികാസ് കൃഷ്ണൻ പ്രീകോർട്ടറിൽ പ്രവേശിച്ചു.75 കിലോഗ്രാം വിഭാഗം പുരുഷ ബോക്‌സിങില്‍ അമേരിക്കയുടെ ചാള്‍സ് കോണ്‍വാളിനെ 3-0 എന്ന സ്‌കോറിന് പരാജയപ്പെടുത്തിയാണ് വികാസ് പ്രീകോർട്ടറിലെത്തിയത്. മത്സരത്തിന്റെ തുടക്കംമുതലേ എതിരാളിക്ക് മേല്‍ ആധിപത്യം പുലര്‍ത്തിയ വികാസ് മികച്ച പോരാട്ടമാണ് പുറത്തെടുത്തത്.ഏഷ്യന്‍ ഗെയിംസ് സ്വര്‍ണ മെഡല്‍ ജേതാവായ വികാസ് കഴിഞ്ഞ ലണ്ടന്‍ ഒളിമ്പിക്‌സില്‍ ക്വാര്‍ട്ടറില്‍ പുറത്തായിരുന്നു. 2014 ഏഷ്യന്‍ ഗെയിംസ് 2015 ദോഹ ഇന്റര്‍നാഷ്ണല്‍ ടൂര്‍ണ്ണമെന്റ് തുടങ്ങിയവയിൽ വെങ്കല മെഡലും, ഏഷ്യന്‍ ബോക്സിങ് ചാമ്പ്യന്‍ഷിപ്പില്‍ വെള്ളി മെഡലും വികാസ് നേടിയിട്ടുണ്ട്. ശനിയാഴ്ച നടക്കുന്ന പ്രീക്വാര്‍ട്ടറില്‍ തുര്‍ക്കിയുടെ ഒണ്‍ഡര്‍ സിപലാണ് വികാസിന്റെ എതിരാളി.
Post Your Comments