കോഴിക്കോട് : മുന്‍മന്ത്രിയും മുസ്ലിം ലീഗ് നേതാവുമായ പി.കെ കുഞ്ഞാലിക്കുട്ടിക്കെതിരെ വിജിലന്‍സ് അന്വേഷണത്തിന് നിര്‍ദ്ദേശം. കണ്ണൂര്‍ ഇരിട്ടി സ്വദേശി ഷാജര്‍ നല്‍കിയ പരാതിയിലാണ് നടപടി.
അനധികൃത സ്വത്ത് സമ്പാദിച്ചു എന്ന പരാതിയിലാണ് വിജിലന്‍സ് കോടതി ഉത്തരവിട്ടിരിക്കുന്നത്. അടുത്ത മാസം പതിനെട്ടിനകം റിപ്പോര്‍ട്ട് സമര്‍പ്പിക്കാന്‍ കോടതി നിര്‍ദ്ദേശിച്ചു. 2006 മുതല്‍ 2014 വരെയുള്ള വര്‍ഷങ്ങളില്‍ കുഞ്ഞാലിക്കുട്ടിയുടെ സമ്പാദ്യം വരവുമായി ഒത്തുപോകില്ലെന്നാണ് ഷാജര്‍ പരാതി നല്‍കിയത്.
ഈ കേസ് വിജിലന്‍സ് ഡയറക്ടര്‍ നേരിട്ട് അന്വേഷണം നടത്തണമെന്നും കോടതി നിര്‍ദ്ദേശിച്ചിട്ടുണ്ട്. സന്തോഷ് മാധവന്‍ ഉള്‍പ്പെട്ട ഭൂമി ഇടപാട് കേസില്‍ കുഞ്ഞാലിക്കുട്ടിക്കെതിരെ കേസെടുത്ത് അന്വേഷണം നടത്താന്‍ നേരത്തെ മൂവാറ്റുപുഴ വിജിലന്‍സ് കോടതി ഉത്തരവിട്ടിരുന്നു.
Post Your Comments