കാല് തെന്നി പാറക്കുളത്തിൽ വീണ ഓട്ടോ ഡ്രൈവർക്ക് ദാരുണാന്ത്യം, കണ്ണീരോടെ നാട്

പത്തനംതിട്ട: പത്തനംതിട്ട അമ്മൂമ്മക്കാവിന് സമീപം കുളത്തിൽ വീണ് യുവാവ് മരിച്ചു. മാന്തുക അമ്മുമ്മക്കാവിൽ മേലേതിൽ വിഷ്ണു (32) ആണ് മരിച്ചത്. കുളനട സ്റ്റാന്റിലെ ഓട്ടോ ഡ്രൈവർ ആണ് വിഷ്ണു. ഇദ്ദേഹം കാല് തെന്നി പാറക്കുളത്തിൽ വീഴുകയായിരുന്നു എന്നാണ് നാട്ടുകാർ പറഞ്ഞത്.

വീട്ടുകാരുടെ ബഹളം കേട്ട് നാട്ടുകാർ എത്തിയാണ് കുളത്തിൽ നിന്ന് വിഷ്ണുവിനെ ആശുപത്രിയിൽ എത്തിച്ചത്. മൃതദേഹം പന്തളത്തെ സ്വകാര്യ ആശുപത്രിയിൽ സൂക്ഷിച്ചിരിക്കുന്നു. ഭാര്യയും ഒരു മകനും ഉണ്ട്. വിഷ്ണുവിന്റെ മരണത്തിൽ നാട്ടുകാർ ഞെട്ടലിലാണ്.