മഥുര: നടുറോഡില്‍ പൊലീസുകാരനെ ചെരുപ്പൂരി തല്ലി യുവതി. പോലീസ് ഉദ്യോഗസ്ഥൻ യുവതിയെ ചവിട്ടി. ഞെട്ടിക്കുന്ന സംഭവത്തിന്റെ വീഡിയോ സോഷ്യൽ മീഡിയയിൽ വൈറലാകുന്നു. ഉത്തര്‍പ്രദേശിലെ മഥുരയില്‍ ഗാന്ധി ജയന്തി ദിനമായ തിങ്കളാഴ്ചയാണ് സംഭവം. വീഡിയോ പ്രചരിച്ചതിനു പിന്നാലെ പൊലീസുകാരനെ അന്വേഷണ വിധേയമായി സസ്പെൻഡ് ചെയ്തു.
read also: കനത്ത മഴ തുടരുന്നു: നാളെയും മറ്റന്നാളും നടക്കേണ്ട പിഎസ് സി പരീക്ഷകൾ മാറ്റി
പാനിഗാവ് ലിങ്ക് റോഡില്‍ നിന്ന് കൈല്‍സാ നഗറിലേക്ക് തിരിയുന്നയിടത്ത് നില്‍ക്കുകയായിരുന്നു പൊലീസ് സംഘം. അടുത്തുള്ള മാര്‍ക്കറ്റില്‍ നിന്ന് ഷോപ്പിംഗ് കഴിഞ്ഞ് വീട്ടിലേക്ക് മടങ്ങുകയായിരുന്ന യുവതിയുടെ ഓട്ടോ പൊലീസ് തടഞ്ഞു. തുടര്‍ന്ന് പൊലീസ് ഉദ്യോഗസ്ഥൻ തന്നോട് അപമര്യാദയായി പെരുമാറി. ഇത് താൻ എതിര്‍ക്കുകയും ചെരിപ്പുകൊണ്ട് അടിക്കുകയും ചെയ്തെന്ന് യുവതി പറഞ്ഞതായാണ് ചില മാധ്യമങ്ങളിൽ വരുന്ന റിപ്പോർട്ട്.
ചെരിപ്പുകൊണ്ട് അടിച്ചതിന് പിന്നാലെ പൊലീസ് ഉദ്യോഗസ്ഥൻ യുവതിയെ ആക്രമിച്ചു. യുവതിയെ പൊലീസുകാരൻ ചവിട്ടുകയും തള്ളിയിടുകയും ചെയ്തു. ജനത്തിരക്കേറിയ പ്രദേശത്ത് പട്ടാപ്പകൽ ഇങ്ങനെ ഒരു സംഭവം നടന്നത് ഞെട്ടിക്കുന്നതാണ്. യുവതി തന്നെ ആക്രമിച്ചു എന്ന് കാട്ടി പൊലീസിനെതിരെ പരാതി നല്‍കി.
Post Your Comments