പട്ടാപ്പകല്‍ തട്ടിക്കൊണ്ടുപോയ യുവാവ് മരിച്ച നിലയില്‍; വീഡിയോ പുറത്ത്

നോയ്ഡ: ഉത്തര്‍ പ്രദേശിലെ നോയിഡയില്‍ പട്ടാപ്പകല്‍ തിരക്കേറിയ മാര്‍ക്കറ്റില്‍ നിന്ന് നാട്ടുകാര്‍ നോക്കിനില്‍ക്കെ തട്ടിക്കൊണ്ടുപോയ യുവാവിനെ മരിച്ച നിലയില്‍ കണ്ടെത്തി. ശനിയാഴ്ചയാണ് നാട്ടുകാര്‍ നോക്കിനില്‍ക്കെ ഭീംസിംഗ് എന്ന യുവാവിനെ ഒരുസംഘമാളുകള്‍ തട്ടിക്കൊണ്ടുപോയത്. തോക്കുചൂണ്ടി ഭീഷണിപ്പെടുത്തി തട്ടിക്കൊണ്ടുപോവുകയായിരുന്നു. സംഭവം നേരില്‍ കണ്ട ഒരാള്‍ പോലും യുവാവിനെ രക്ഷിക്കാന്‍ മുന്നോട്ടുവന്നില്ല.

ഭീംസിംഗിന്റെ മൃതദേഹം പിന്നീട് ഹിന്റോണ്‍ നദീതീരത്ത് നിന്നുമാണ് കണ്ടെത്തിയത്. ഭീംസിംഗിന് എതിരെ കൊലപാതകവും തട്ടിക്കൊണ്ടുപോകലുമടക്കം നിരവധി കേസുകളുണ്ടെന്ന് പൊലീസ് അറിയിച്ചു. കൊലപാതകത്തിന് പിന്നില്‍ ഗുണ്ടാപകയാണെന്നാണ് പൊലീസ് നിഗമനം.

അതേസമയം യുവാവിനെ തട്ടിക്കൊണ്ടു പോകുന്നതിന്റെ മൊബൈല്‍ ദൃശ്യങ്ങള്‍ ഇതിനോടകം സോഷ്യല്‍ മീഡിയയില്‍ വൈറലായി കഴിഞ്ഞു.

#WATCH: A man kidnapped in broad day light in Greater Noida, later found dead (14/05/16)https://t.co/S8aYbrk6HI

— ANI (@ANI_news) May 17, 2016