അന്യസംസ്ഥാന തൊ​ഴി​ലാ​ളി​യു​ടെ വീ​ട്ടി​ല്‍ അ​തി​ക്ര​മി​ച്ചു ​ക​യ​റി പ​ണം​ ക​വ​ർ​ന്നു: മൂ​ന്നു​പേ​ര്‍ അ​റ​സ്റ്റി​ല്‍

പെ​രു​മ്പാ​വൂ​ര്‍: അന്യസംസ്ഥാന തൊ​ഴി​ലാ​ളി​യു​ടെ വീ​ട്ടി​ല്‍ അ​തി​ക്ര​മി​ച്ചു​ ക​യ​റി പ​ണം ​ക​വ​ർ​ന്ന കേ​സി​ല്‍ ര​ണ്ട്​ അ​സം സ്വ​ദേ​ശി​ക​ള്‍ ഉ​ള്‍പ്പെ​ടെ മൂ​ന്നു​പേ​ര്‍ അ​റ​സ്റ്റി​ല്‍. നാ​ഗോ​ണ്‍ സ്വ​ദേ​ശി​ക​ളാ​യ ഷാ​ജ​ഹാ​ന്‍(23), ഹ​ര്‍ജ​ത് അ​ലി(20), മാ​റ​മ്പി​ള്ളി വാ​ഴ​ക്കു​ള​ത്ത് തു​ക​ലി​ല്‍ വീ​ട്ടി​ല്‍ ഉ​വൈ​സ്(39) എ​ന്നി​വ​രെ​യാ​ണ് അറസ്റ്റ് ചെയ്തത്. പെ​രു​മ്പാ​വൂ​ര്‍ പൊ​ലീ​സ് ആണ് അ​റ​സ്റ്റ് ചെ​യ്ത​ത്.

Read Also : അടുത്ത വർഷം മുതൽ എൻജിനീയറിംഗ് പ്രവേശന പരീക്ഷ ഓൺലൈനായി നടത്താൻ ശ്രമിക്കും: ഉന്നത വിദ്യാഭ്യാസ മന്ത്രി

ശ​നി​യാ​ഴ്ച രാ​ത്രിയാണ് സംഭവം. ഒ​ക്ക​ല്‍ ഭാ​ഗ​ത്ത് വാ​ട​ക​ക്ക് താ​മ​സി​ക്കു​ന്ന അ​സം സ്വ​ദേ​ശി സ​ദ്ദാം ഹു​സൈ​ന്റെ വീ​ട്ടി​ല്‍ അ​തി​ക്ര​മി​ച്ചു​ ക​യ​റി ഇ​യാ​ളെ​യും ഭാ​ര്യ​യെ​യും മ​ക​നെ​യും ഉ​പ​ദ്ര​വി​ച്ച​ശേ​ഷം ഭാ​ര്യ​യു​ടെ കൈ​വ​ശ​മു​ണ്ടാ​യി​രു​ന്ന 90,000 രൂ​പ ത​ട്ടി​യെ​ടു​ത്തു​വെ​ന്ന​ കേ​സിലാണ് അറസ്റ്റ് ചെയ്തത്. ഇ​വ​ര്‍ സ​ദ്ദാ​മി​ന്റെ വീ​ടി​ന​ടു​ത്ത് താ​മ​സി​ക്കു​ന്ന അന്യ സം​സ്ഥാ​ന​ക്കാ​ര​നാ​യ ഇ​ക്ര​മൂ​ല്‍ എ​ന്ന​യാ​ളെ കാ​റി​ല്‍ ക​യ​റ്റി ത​ട്ടി​ക്കൊ​ണ്ടു​പോ​യി ഇ​യാ​ളു​ടെ പ​ക്ക​ലു​ണ്ടാ​യി​രു​ന്ന 1,57,000 രൂ​പ ക​വ​ര്‍ന്ന​താ​യും പ​രാ​തി​യി​ൽ പ​റ​യു​ന്നു.

ഉ​വൈ​സ് പെ​രു​മ്പാ​വൂ​ര്‍ സ്‌​റ്റേ​ഷ​നി​ലെ റൗ​ഡി ലി​സ്റ്റി​ല്‍ ഉ​ൾ​പെ​ട്ട​യാ​ളാ​ണെന്ന് പൊലീസ് പറഞ്ഞു. ഇ​ന്‍സ്‌​പെ​ക്ട​ര്‍ ആ​ര്‍. ര​ഞ്ജി​ത്, എ​സ്.​ഐ​മാ​രാ​യ റി​ന്‍സ് എം.​തോ​മ​സ്, ജോ​സി എം.​ജോ​ണ്‍സ​ന്‍, എ.​എ​സ്.​ഐ എ​ന്‍.​കെ. ബി​ജു, എ​സ്.​സി.​പി.​ഒ​മാ​ര​യ പി.​എ. അ​ബ്ദു​ൽ മ​നാ​ഫ്, എം.​എം. സു​ധീ​ഷ്, സി.​പി.​ഒ കെ.​എ. അ​ഭി​ലാ​ഷ് തു​ട​ങ്ങി​യ​വ​രാ​ണ് അ​ന്വേ​ഷ​ണ​സം​ഘ​ത്തി​ലു​ണ്ടാ​യി​രു​ന്ന​ത്. പ്രതികളെ കോടതിയിൽ ഹാജരാക്കി.