സോഷ്യല്‍ മീഡിയ ചര്‍ച്ചകളില്‍ മുമ്പന്തിയില്‍ നില്‍ക്കുന്ന ഡിങ്കോയിസവും ഡിങ്കമതവും അന്തര്‍ദേശീയ മാധ്യമങ്ങളും വാര്‍ത്തയാക്കി. ബിബിസി ട്രെന്റിംഗാണ് ഇന്ത്യയില്‍ രൂപപെട്ട ഡിങ്ക മതത്തെ കുറിച്ച് റിപ്പോര്‍ട്ട് ചെയ്തിരിക്കുന്നത്. 2008ല്‍ ഇന്ത്യയില്‍ രൂപപെട്ട മതം എന്നാണ് ബിബിസി റിപ്പോര്‍ട്ട് ചെയ്യുന്നത്. ഡിങ്കമതത്തെ കുറിച്ചും ഡിങ്കോയിസത്തെ കുറിച്ചും സംസാരിക്കുന്നത് കോഴിക്കോട് കളക്ടര്‍ പ്രശാന്ത് നായര്‍,പാര്‍ത്ഥ സാരഥി എന്നിവരാണ്.
പുതിയ മതത്തെ വിമര്‍ശിച്ച് രാഹൂല്‍ ഈശ്വരും വീഡിയോയില്‍ സംസാരിക്കുന്നുണ്ട്. ഏതായാലും വളരെ കുറഞ്ഞ സമയം കൊണ്ടാണ് ഡിങ്കമതവും ഡിങ്കോയിസവും ഉയര്‍ത്തി പിടിക്കുന്ന ആശയങ്ങളും ലക്ഷ്യങ്ങളും അന്തര്‍ ദേശീയ തലത്തിലേക്ക് എത്തിയിരിക്കുന്നത്. ഡിങ്കോയിസ്റ്റുകളുടെയും ഡിങ്കമതത്തിന്റെയും ഔദ്യോഗിക പേജിനെ പിന്തുടരുന്നവരുടെ എണ്ണത്തില്‍ വലിയ വര്‍ദ്ധനവും ഉണ്ടായിട്ടുണ്ട്. കോഴിക്കോട് നടന്ന ഡിങ്കമത സമ്മേളനത്തിലും നിരവധി പേരാണ് പങ്കെടുത്തത്.
Post Your Comments