അബുദാബി: രാജ്യത്തേക്ക് മടങ്ങുന്ന ഹജ് തീർത്ഥാടകർ 7 ദിവസം വീട്ടിൽ തന്നെ തുടരണമെന്ന് നിർദ്ദേശം നൽകി യുഎഇ. രാജ്യത്തേക്ക് മടങ്ങിയെത്തിയ ഹജ് തീർത്ഥാടകർ നാലാം ദിവസമോ രോഗലക്ഷണങ്ങൾ പ്രകടിക്കുമ്പോഴോ നിർബന്ധമായും കോവിഡ് പിസിആർ പരിശോധന നടത്തണം.
നെഗറ്റീവ് ഫലം ലഭിച്ചാൽ തീർത്ഥാടകർക്ക് അൽ ഹോസ്ൻ ആപ്പിൽ ഗ്രീൻ പാസ് ലഭിക്കുമെന്ന് നാഷണൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്മെന്റ് അതോറിറ്റി (എൻസിഇഎംഎ) വക്താവ് അറിയിച്ചു. യുഎഇയിലെ വിമാനത്താവളങ്ങളിൽ എത്തിയ ശേഷം തീർത്ഥാടകർക്ക് കോവിഡ് പിസിആർ ടെസ്റ്റ് നടത്താനുള്ള സൗകര്യമുണ്ട്. കോവിഡ് ലക്ഷണങ്ങൾ ഇല്ലാത്തവർ പിസിആർ പരിശോധന നടത്തേണ്ടതില്ല.
കോവിഡ് രോഗലക്ഷണങ്ങൾ പ്രകടമാക്കുന്നവർ ആരോഗ്യ കേന്ദ്രത്തിൽ റിപ്പോർട്ട് ചെയ്യണമെന്നും രോഗബാധ സ്ഥിരീകരിച്ചാൽ ക്വാറന്റെയ്‌നിൽ പ്രവേശിക്കണമെന്നും അധികൃതർ നിർദ്ദേശിച്ചു.
Post Your Comments