സ്കൂ​ട്ട​ർ യാ​ത്രി​ക​നെ ഇ​ടി​ച്ചിട്ട ശേഷം നിർത്താതെ പോയി : കെ.എസ്.ആർ.ടി.സി ഡ്രൈവർക്കെതി​രെ കേസെടുത്തു

അ​ങ്ക​മാ​ലി: സ്കൂ​ട്ട​ർ യാ​ത്രി​ക​നെ ഇ​ടി​ച്ചു തെ​റി​പ്പി​ച്ച ശേ​ഷം നി​ർ​ത്താ​തെ പോ​യ കെ.​എ​സ്.​ആ​ർ.​ടി.​സി ബസ്​ ഡ്രൈ​വ​റു​ടെ പേ​രി​ൽ പൊ​ലീ​സ് കേ​സെ​ടു​ത്തു. കോ​ഴി​ക്കോ​ടു​ നി​ന്ന് കോ​ട്ട​യ​ത്തേ​ക്ക് പോ​വു​ക​യാ​യി​രു​ന്ന കെ.​എ​സ്.​ആ​ർ.​ടി.​സി സൂ​പ്പ​ർ​ഫാ​സ്റ്റ് ബ​സാ​ണ് അ​ങ്ക​മാ​ലി സെ​ൻ​ട്ര​ൽ ജ​ങ്ഷ​നി​ൽ സ്കൂ​ട്ട​ർ യാ​ത്രി​ക​നെ ഇ​ടി​ച്ച് വീഴ്ത്തിയത്. തി​ങ്ക​ളാ​ഴ്ച രാ​വി​ലെയാണ് സംഭവം.

അ​പ​ക​ട​ത്തി​ൽ സ്കൂ​ട്ട​ർ ഓ​ടി​ച്ചി​രു​ന്ന അ​ങ്ക​മാ​ലി കി​ട​ങ്ങൂ​ർ വ​ട​ക്ക​ഞ്ചേ​രി വീ​ട്ടി​ൽ ബി​നു (49), കി​ട​ങ്ങൂ​ർ സ്വ​ദേ​ശി ടി​ജോ ജോ​സ​ഫ് (42) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ന​ടു​റോ​ഡി​ൽ തെ​റി​ച്ചു​വീ​ണ ബി​നു​വിന്റെ ത​ല​ക്കും, കൈ​ക്കും സാ​ര​മാ​യി പ​രി​ക്കേ​റ്റു.

Read Also : ജനങ്ങളുടെ പിന്തുണയില്ലാതെ പദ്ധതികൾ അടിച്ചേൽപ്പിക്കരുത്: കോടിയേരിയെ തഴഞ്ഞ് മഹാരാഷ്ട്ര സിപിഎം

അതേസമയം അ​പ​ക​ടം അ​റി​ഞ്ഞ ഡ്രൈ​വ​ർ ബ​സി​ൽ നി​ന്നി​റ​ങ്ങു​ക​യോ, പ​രി​ക്കേ​റ്റ​വ​രെ ആ​ശു​പ​ത്രി​യി​ലെ​ത്തി​ക്കാ​നോ ത​യാ​റാ​കാ​തെ അ​ൽ​പ​സ​മ​യം ബ​സ് റോ​ഡി​ൽ നി​ർ​ത്തി​യി​ട്ട​ശേ​ഷം യാ​തൊ​രു പ​രി​ഹാ​ര​വും ന​ൽ​കാ​തെ യാ​ത്ര തു​ട​രു​ക​യാ​യി​രു​ന്നു​വെ​ന്നാ​ണ് പ​രാ​തി. ബി​നു​വി​നെ പി​ന്നീ​ട് ഓ​ട്ടോ ഡ്രൈ​വ​ർ​മാ​രും നാ​ട്ടു​കാ​രും ചേ​ർ​ന്നാ​ണ് ആ​ശു​പ​ത്രി​യി​ലെ​ത്തി​ച്ച​ത്.

എ​സ്.​എ​ച്ച്.​ഒ സോ​ണി മ​ത്താ​യി​യു​ടെ നേ​തൃ​ത്വ​ത്തി​ൽ സെ​ൻ​ട്ര​ൽ ജ​ങ്ഷ​നി​ലെ സി.​സി.​ടി.​വി കാ​മ​റ പ​രി​ശോ​ധി​ച്ചാ​ണ് കോ​ഴി​ക്കോ​ട് ഡി​പ്പോ​യി​ലെ കെ.​എ​ൽ – 15എ 410 (​ആ​ർ.​എ​സ്.​കെ 833) ന​മ്പ​ർ ബ​സാ​ണ് അ​പ​ക​ട​ത്തി​നി​ട​യാ​ക്കി​യ​തെ​ന്ന് തി​രി​ച്ച​റി​ഞ്ഞ​ത്. തു​ട​ർ​ന്നാ​ണ് ബ​സ് ഓ​ടി​ച്ചി​രു​ന്ന ശി​വ​ദാസന്റെ പേ​രി​ൽ അ​ങ്ക​മാ​ലി പൊ​ലീ​സ് കേ​സെ​ടു​ത്ത​ത്.