ഹമാസ് ഇന്ന് വിട്ടയക്കുന്നത് മൂന്ന് ഇസ്രായേലികളെയും അഞ്ച് തായ് ബന്ദികളെയും 

ജറുസലേം: വെടിനിർത്തൽ കരാറിന്റെ ഭാഗമായി ഹമാസ് ഇന്ന് മൂന്ന് ഇസ്രായേലികളെയും അഞ്ച് തായ് ബന്ദികളെയും മോചിപ്പിക്കുമെന്ന് ടൈംസ് ഓഫ് ഇസ്രായേൽ റിപ്പോർട്ട് ചെയ്തു. റിപ്പോർട്ട് ചെയ്തതനുസരിച്ച് ഈജിപ്ത്, ഖത്തർ എന്നീ മധ്യസ്ഥർ വഴി ഹമാസ് മൂന്ന് ഇസ്രായേലികളുടെയും, ഐഡിഎഫ് സൈനികൻ അഗം ബെർഗർ (20), സിവിലിയൻമാരായ അർബെക് യെഹൂദ് (29), ഗാഡി മോഷെ മോസസ് (80) എന്നിവരുടെ പേരുകൾ കൈമാറിയിട്ടുണ്ട്.

ഇവരെ കൂടാതെ അഞ്ച് തായ്‌ലൻഡ് പൗരന്മാരെയും ഇന്ന് മോചിപ്പിക്കുമെന്ന് ഇസ്രായേലി ഉദ്യോഗസ്ഥർ അവരുടെ പേര് പറയാതെ സ്ഥിരീകരിച്ചതായി ടൈംസ് ഓഫ് ഇസ്രായേൽ റിപ്പോർട്ട് ചെയ്തു. ഗാസയിൽ എട്ട് തായ് ബന്ദികൾ ഉണ്ട്. ഒരു നേപ്പാളിയും ഒരു ടാൻസാനിയനും ഇവർക്കൊപ്പമുണ്ട്.

എന്നിരുന്നാലും തായ്‌ലൻഡ് പൗരന്മാരിൽ രണ്ട് പേരെയും ഒരു ടാൻസാനിയനെയും ഇസ്രായേൽ മരിച്ചതായി പ്രഖ്യാപിച്ചു. വെടിനിർത്തൽ കരാറിന്റെ ഭാഗമായി ഇസ്രായേൽ 110 പലസ്തീൻ സുരക്ഷാ തടവുകാരെയും മോചിപ്പിക്കും.