ന്യൂദൽഹി : അനധികൃതമായി ദൽഹിയിൽ താമസിക്കുന്ന എട്ട് ബംഗ്ലാദേശി കുടിയേറ്റക്കാരെ നാടുകടത്തിയതായി ദൽഹി പോലീസ് അറിയിച്ചു. അറസ്റ്റ് രേഖപ്പെടുത്തിയതിനു ശേഷമാണ്‌ ഇവരെ നാടുകടത്തിയതെന്ന്‌ പോലീസ് പറഞ്ഞു.
ബംഗ്ലാദേശ് പൗരന്മാർ ഉൾപ്പെടെ നിരവധി പേർ തലസ്ഥാനത്ത് അനധികൃതമായി താമസിക്കുന്നതിനെക്കുറിച്ച്‌ വിവരം ലഭിച്ചതിനെ തുടർന്ന്‌ ദൽഹിയുടെ തെക്ക്-പടിഞ്ഞാറൻ ജില്ലയിലുടനീളം പോലീസ് പരിശോധന നടത്തിവരികയാണ്. അനധികൃത കുടിയേറ്റക്കാരെ കണ്ടെത്തി നാടുകടത്തുമെന്ന് ലെഫ്റ്റനന്റ്‌ ഗവർണർ സെക്രട്ടേറിയറ്റ് പ്രഖ്യാപിച്ച് രണ്ടാഴ്ചയ്ക്ക് ശേഷമുള്ള ആദ്യത്തെ സംഭവമാണിത്‌.
നാടുകടത്തപ്പെട്ടവരിൽ, ബംഗ്ലാദേശ് പൗരനായ സംസുൽ സെയ്ഖ്, താൻ ധാക്കയിൽ നിന്ന്‌ വനങ്ങളിലൂടെയാണ്‌ ഇന്ത്യയിലേക്ക് കടന്നതെന്ന്‌ സമ്മതിച്ചതായി പോലീസ് പറഞ്ഞു. കുറച്ചുകാലം ഇന്ത്യയിൽ താമസിച്ച ശേഷം അദ്ദേഹം ബംഗ്ലാദേശിലേക്ക് മടങ്ങി ഭാര്യയെയും ആറ് മക്കളെയും കൊണ്ടുവരികയായിരുന്നു.
ഇവർ ബംഗ്ലാദേശിൽ നിന്നുള്ളവരാണെന്നും സംശയം ഒഴിവാക്കാൻ അവർ സ്വയം ബംഗ്ലാദേശ് ഐഡി നശിപ്പിച്ചതായും പോലീസ് കണ്ടെത്തി. വരും ദിവസങ്ങളിലും ഇത്തരത്തിൽ അനധികൃത കുടിയേറ്റക്കാരെ കണ്ടെത്തി നാടുകടത്താനുള്ള ശ്രമമുണ്ടാകുമെന്ന്‌ പോലീസ് അറിയിച്ചു.
Post Your Comments