തിരുവനന്തപുരം: ആറ്റിങ്ങല്‍ എംഎല്‍എ ഒ.എസ് അംബികയുടെ മകന്‍ വി വിനീത് വാഹനാപകടത്തില്‍ മരിച്ചു. ഇന്ന് പുലര്‍ച്ചെ കണിയാപുരത്ത് വച്ച് നടന്ന വാഹനാപകടത്തിലാണ് അന്ത്യം സംഭവിച്ചത്. ഒപ്പമുണ്ടായിരുന്ന സുഹൃത്ത് ഗുരുതര പരിക്കുകളോടെ ആശുപത്രിയില്‍ ചികിത്സയിലാണ്.
തിരുവനന്തപുരത്ത് നിന്നും ആറ്റിങ്ങലിലേക്ക് വരുന്ന വഴിയാണ് അപകടം സംഭവിച്ചത്. വിനീത് ഇടയ്ക്കോട് സര്‍വീസ് സഹകരണ സംഘം ജീവനക്കാരനാണ്. സിപിഎം ഇടയ്ക്കോട് ലോക്കല്‍ കമ്മിറ്റി അംഗവുമാണ്.
പിതാവ് കെ വാരിജാക്ഷന്‍ സിപിഎം ആറ്റിങ്ങല്‍ ഏരിയ കമ്മിറ്റി അംഗമാണ്. സഹോദരന്‍ വി വിനീഷ് സിപിഎം തിരുവനന്തപുരം ജില്ലാ കമ്മിറ്റി അംഗമാണ്. എസ്എഫ്‌ഐ മുന്‍ സംസ്ഥാന പ്രസിഡന്റുമാണ്. കഴക്കൂട്ടം പോലീസ് മേല്‍ നടപടികള്‍ സ്വീകരിച്ചു.
Post Your Comments