പാലക്കാട്: പാലക്കയം വട്ടപ്പാറയില്‍ കാണാതായ യുവാവിന്റെ മൃതദേഹം കണ്ടെത്തി. മണ്ണാര്‍ക്കാട് സ്വദേശി വിജയ് ആണ് മരിച്ചത്. ഇന്ന് പുലര്‍ച്ചെ ആരംഭിച്ച തിരച്ചിലിലാണ് മൃതദേഹം കണ്ടെത്തിയത്. വെള്ളച്ചാട്ടത്തിന്റെ കുഴിയിലകപ്പെട്ട നിലയിലായിരുന്നു മൃതദേഹം കിടന്നിരുന്നത്.
കഴിഞ്ഞ ദിവസം ഉച്ചയോടെ രണ്ട് സുഹൃത്തുക്കളോടൊപ്പമാണ് വിജയ് വട്ടപ്പാറ വെള്ളച്ചാട്ടത്തില്‍ കുളിക്കാനെത്തിയത്. ഇതിനിടെ വിജയിയെ കാണാതാവുകയായിരുന്നു. സുഹൃത്തുക്കള്‍ ഉടന്‍ തന്നെ പൊലീസിനെയും നാട്ടുകാരെയും വിവരമറിയിച്ചു. തുടര്‍ന്ന് തിരച്ചില്‍ നടത്തിയെങ്കിലും കണ്ടെത്താന്‍ സാധിച്ചിരുന്നില്ല. തുടര്‍ന്ന് മഴ ശക്തമായതിനാല്‍ രാത്രിയോടെ തിരച്ചില്‍ നിര്‍ത്തിവച്ചിരുന്നു
ഇന്ന് രാവിലെ അഗ്‌നിശമന സുരക്ഷാ സേനയും സിവില്‍ ഡിഫന്‍സ് ഫോഴ്‌സും നാട്ടുകാരും ചേര്‍ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്.
Post Your Comments