മലപ്പുറത്ത് ഷി​ഗല്ല: രോഗം സ്ഥിരീകരിച്ചത് സ്കൂൾ വിദ്യാ‍ർഥികൾക്ക്

മലപ്പുറം: മലപ്പുറത്ത് വിദ്യാ‍ർഥികൾക്ക് ഷി​ഗല്ല. കോഴിപ്പുറത്ത് വെണ്ണായൂർ എഎംഎൽപി സ്കൂളിലെ ഭക്ഷ്യ വിഷബാധയേറ്റ് ചികിത്സ തേടിയ 127 വിദ്യാർത്ഥികളിൽ 4 കുട്ടികൾക്കാണ് രോഗം സ്ഥിരീകരിച്ചത്. മറ്റ് കുട്ടികളും രോഗലക്ഷണങ്ങൾ പ്രകടമായിരുന്നെങ്കിലും സ്ഥിരീകരിച്ചിട്ടില്ല.

ദഹനവ്യവസ്ഥയെ തകരാറിലാക്കുന്ന ബാക്ടീരിയ മൂലമാണ് ഷിഗല്ല രോഗം പടരുക. നിലവിൽ ആരും ചികിത്സയിലില്ലെന്ന് അധികൃതർ അറിയിച്ചു. അതേസമയം, ആർക്കും ഗുരുതരമായ ആരോഗ്യ പ്രശ്നങ്ങളില്ലെന്നും ഭക്ഷ്യ വസ്തുക്കളുടെ പരിശോധന റിപ്പോർട്ട് ലഭിച്ചിട്ടില്ലെന്നും ആരോഗ്യ വകുപ്പ് വ്യക്തമാക്കി.