ഇൻസ്റ്റഗ്രാം സുഹൃത്തും കൂട്ടാളിയും ചേർന്ന് കൂട്ടബലാത്സംഗം ചെയ്തെന്ന പരാതിയുമായി യുവതി.ഉത്തർപ്രദേശിലെ ഷാംലി ജില്ലയിലാണ് സംഭവം. ഇൻസ്റ്റഗ്രാം സുഹൃത്തിനെ കാണാൻ ഹോട്ടൽമുറിയിലെത്തിയ തന്നെ മയക്കമരുന്ന് കലർത്തിയ ശീതളപാനീയം നൽകിയ ശേഷം കൂട്ടബലത്സംഗത്തിനിരയാക്കി എന്നാണ് യുവതിയുടെ പരാതി. മീററ്റ് സ്വദേശിനിയായ യുവതിയാണ് ഇൻസ്റ്റഗ്രാം സുഹൃത്തായ യുവാവിനും അയാളുടെ കൂട്ടാളിക്കുമെതിരെ പരാതി നൽകിയിരിക്കുന്നത്.
ബാങ്ക് ഉദ്യോഗസ്ഥനെ്ന് പറഞ്ഞാണ് യുവാവ് യുവതിയുമായി ഇൻസ്റ്റഗ്രാമിലൂടെ ചങ്ങാത്തം സ്ഥാപിച്ചത്.ബാങ്കിൽ ജോലി ലഭിക്കാൻ സഹായിക്കാമെന്ന് ഇയാൾ വാഗ്ദാനം ചെയ്തു. പ്രതി തൻ്റെ സുഹൃത്തിനെ അയച്ച് ജോലി നൽകാമെന്ന വാഗ്ദാനത്തിൽ അയാളോടൊപ്പം ഡെറാഡൂണിലേക്ക് വരാൻ യുവതിയോട് ആവശ്യപ്പെട്ടു. പക്ഷേ, അവരെ അവിടെ കണ്ടില്ല. പിന്നീട്, ഉത്തർപ്രദേശിലെ താനഭവനിലേക്ക് കൂട്ടാളി അവളെ നയിക്കുകയും അവിടെ വച്ച് പ്രതിയെ കണ്ടുമുട്ടുകയും ചെയ്തു.
മയക്കമരുന്ന് കലർത്തിയ ശീതളപാനീയം തന്നതിന് ശേഷം ഒരു ഹോട്ടലിൽ കൊണ്ടുപോയി കൂട്ടബലാത്സംഗം ചെയ്തുവെന്നാണ് യുവതിയുടെ പരാതി. യുവതിയുടെ പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Post Your Comments