രാഷ്‌ട്രീയ തിമിരം ബാധിച്ച ചിലർ സിദ്ധാർഥിന്റെ മരണത്തെ കുറിച്ചുപോലും മോശമായി എഴുതി: സീമ

പൂക്കോട് വെറ്റിനറി ഹോസ്റ്റലിൽ സിദ്ധാർഥ്‌ ആത്മഹത്യ ചെയ്ത സംഭവത്തിൽ പാർട്ടിയുടെ പേര് പോലും പറയാതെ കുറിപ്പ് എഴുതിയിട്ടും തനിക്ക് നേരെ സൈബർ ആക്രമണം നടക്കുന്നതായി നടി സീമ ജി നായർ. കഴിഞ്ഞ ദിവസമാണ് സിദ്ധാർത്ഥിന്റെ മരണത്തെ കുറിച്ച്‌ താരം ഫേസ്ബുക്കില്‍ പോസ്റ്റ് ചെയ്തത് . എന്നാല്‍ ഇത് എസ് എഫ് ഐ യെ താറടിച്ചു കാട്ടാനുള്ള ശ്രമമാണെന്ന് പറഞ്ഞായിരുന്നു സീമ ജി നായരെ ആക്ഷേപിച്ചത് . താരം തന്നെയാണ് ഇക്കാര്യം ഫേസ്ബുക്കില്‍ പങ്ക് വച്ച കുറിപ്പില്‍ പറഞ്ഞത് .

പാർട്ടിയുടെ പേര് പോലും പറയാതെയാണ് താൻ കുറിപ്പ് എഴുതിയതെന്നും, എന്നിട്ടും സിദ്ധാർത്ഥിനെ കുറിച്ച്‌ പറഞ്ഞ തന്നെ അവർ ആക്ഷേപിച്ചുവെന്നും , ഒടുവില്‍ തന്റെ സ്റ്റാൻഡേർഡ് മാറ്റി വെച്ചു അവർക്കെല്ലാം മറുപടി കൊടുത്തുവെന്നും സീമ ജി നായർ സോഷ്യൽ മീഡിയ പോസ്റ്റിൽ പറയുന്നു.

read also: 2023ൽ കേരളത്തിലെത്തിയത് 2.18 കോടി പേർ: ആഭ്യന്തര സഞ്ചാരികളുടെ എണ്ണം സർവകാല റെക്കോർഡിൽ

ഫേസ്ബുക്ക് പോസ്റ്റിന്റെ പൂർണ്ണരൂപം….

നമസ്ക്കാരം പ്രിയപെട്ടവരെ ,രണ്ട്‌ ദിവസം മുന്നേ സിദ്ധാർഥ് എന്ന മോനെ കുറിച്ച്‌ ഞാൻ ഒരു പോസ്റ്റ് ഇട്ടിരുന്നു ..അതില്‍ ഞാൻ എഴുതിയത് (രാഷ്‌ട്രീയ കൊലപാതകത്തെ കുറിച്ചും ,ഏതു പാർട്ടി ഭരിച്ചാലും ഒത്താശ ചെയ്യാൻ ആളുണ്ടെങ്കില്‍ ഇവിടെ പലതും നടക്കുമെന്നാണ് )ഒരു പാർട്ടിയുടെ പേര് പറഞ്ഞില്ല ..അത് CPM ,BJP,CONGRES..ഏതും ആവട്ടെ ..മഞ്ഞപിത്തമുള്ളവന് നോക്കിനിടമൊക്കെ മഞ്ഞനിറം എന്ന് പറഞ്ഞപോലെ കുറച്ചുപേർ എന്റെ മെക്കിട്ടുകേറാൻ വന്നു ..അവരെന്തിനാണ് ഇത്രയും ആവേശത്തോടെ പ്രതികരിച്ചത് ..പ്രതികരിച്ചവരുടെ പാർട്ടി ആണ്‌ ഇതു ചെയ്തെന്നു ഞാൻ പറഞ്ഞിട്ടില്ല ..ഞാൻ നിലവാരമില്ലാതവള്‍,ഊള,തുടങ്ങിയ പദപ്രയോഗങ്ങള്‍ അവർക്കെല്ലാം എന്റെ സ്റ്റാൻഡേർഡ് മാറ്റി വെച്ചു മറുപടിയും കൊടുക്കേണ്ടി വന്നു ,കൊലപാതകം ഏതും ആവട്ടെ ,രാഷ്‌ട്രീയമോ ,ക്യാമ്ബസ്സോ ആവട്ടെ ,പാർട്ടി ഏതും ആവട്ടെ ,പക്ഷെ ആരുടേയും ജീവൻ എടുക്കാനുള്ള അവകാശം ആർക്കും ഇല്ല..ആര് മരിച്ചാലും ,ആര് കൊന്നാലും ,ആജീവൻ തിരികെ കൊടുക്കാൻ നമ്മുക്ക് കഴിയില്ല ,രാഷ്‌ട്രീയ തിമിരം ബാധിച്ച ചിലർ സിഡ്‌ദ്ധാര്ഥിന്റെ മരണത്തെ കുറിച്ചുപോലും ഇന്നലെ മോശമായി മറുപടി ഇട്ടു .നമ്മുടെ കേരളത്തില്‍ തന്നെ ഇത്രയും മനസാക്ഷി ഇല്ലാതെ എങ്ങനെ ഇവർക്കെഴുതാൻ സാധിക്കുന്നു ..ഇതുവരെ എന്റെ രാഷ്‌ട്രീയം എന്തെന്ന് ഞാൻ പറഞ്ഞിട്ടില്ല ,ഒരു പാർട്ടി മീറ്റിംഗിലും ഞാൻ പങ്കെടുത്തിട്ടില്ല ,ഹിന്ദു ആയിപോയതുകൊണ്ട് ഞാൻ സംഖിണി ആയി മാറുന്നു ..ആര് തെറ്റ് ചെയ്താലും തെറ്റിനെ തെറ്റായിഅംഗീകരിക്കാൻ പറ്റാത്ത മനസ്സ് വികൃതമായവരുടെ നാടായി കഴിഞ്ഞു ഈ GOD’S OWN കണ്‍ട്രി