തിരുവനന്തപുരം: കോവളത്ത് വീട്ടുവളപ്പില്‍ പൊള്ളലേറ്റ് മരിച്ച നിലയില്‍ വയോധികയെ കണ്ടെത്തി. കോവളം വെളളാർ നെടുമം ടി.സി.67/2019 മുരിങ്ങവിള വീട്ടില്‍ പരേതരായ ഗോവിന്ദന്റെയും അപ്പിയുടെയും മകളായ കൗസല്യ(67) ആണ് മരിച്ചത്.
ശനിയാഴ്ച വൈകിട്ട് അഞ്ചോടെയാണ് സംഭവം. ഭക്ഷണം കൊടുക്കുന്നതിനായി എത്തിയ ബന്ധു ആളെ കാണാത്തത്തിനെ തുടർന്ന് നടത്തിയ അന്വേഷണത്തിലാണ് മൃതദേഹം വീടിനു പിന്നിലായി കണ്ടെത്തിയത്. തുടർന്ന് ബന്ധുക്കള്‍ കോവളം പോലീസിനെ വിവരമറിയിച്ചു.
എസ്.എച്ച്‌.ഒ.സജീവ് ചെറിയാൻ ഉള്‍പ്പെട്ട പോലീസ് സംഘം വീടും പരിസരവും പരിശോധിച്ചു. ആത്മഹത്യ എന്നാണ് പ്രഥമിക നിഗമനമെന്ന് പോലീസ് പറഞ്ഞു. വയോധിക ബന്ധുക്കളില്‍ നിന്ന് അകന്നുകഴിയുകയായിരുന്നു. നടപടികള്‍ക്കുശേഷം മൃതദേഹം മെഡിക്കല്‍ കോളേജ് ആശുപത്രിയിലെ മോർച്ചറിയിലേക്ക് മാറ്റി. അവിവാഹിതയാണ്.
Post Your Comments