ലഹരിയിടപാടുകളും അനാശാസ്യവും വ്യാപകം: പരാതിയെത്തുടർന്ന് കൊച്ചിയിലെ മസാജിങ് സെന്ററുകളിലും സ്പാകളിലും മിന്നൽ പരിശോധന

കൊച്ചി: ലഹരിയിടപാടുകളും അനാശാസ്യവും വ്യാപകമെന്ന പരാതിയെത്തുടർന്ന് കൊച്ചിയിലെ മസാജിങ് സെന്ററുകളിലും സ്പാകളിലും പൊലീസിന്റെ മിന്നൽ പരിശോധന. ഇതുമായി ബന്ധപ്പെട്ട് പാലാരിവട്ടത്ത് 19 സ്ഥലങ്ങളിലും തേവരയിൽ 9 ഇടങ്ങളിലും പരിശോധന നടത്തി. 50ലേറെ സെന്ററുകളിലാണ് പരിശോധന നടത്തുന്നുന്നത്.

കൊച്ചിയിലെ മസാജിങ് സെന്ററുകളിലും സ്പാകളിലും നടത്തിയ പരിശോധനയിൽ, ജീവനക്കാരിലധികവും യോഗ്യതയില്ലാത്തവരെന്ന് കണ്ടെത്തിയിട്ടുണ്ട്. ലഹരിയിടപാടുകളും അനാശാസ്യവും വ്യാപകമെന്ന പരാതിയെത്തുടർന്ന് രണ്ടുമാസം മുൻപ് നടത്തിയ പരിശോധനയുടെ തുടർച്ചയെന്ന നിലയിലാണ് ഇന്നത്തെ പരിശോധന.