ഞാനാണ് മെസിയെക്കാൾ മികച്ചവൻ എന്ന് എല്ലാവർക്കും അറിയാം, പക്ഷെ ആരും അംഗീകരിക്കില്ല എന്ന് മാത്രം; റൊണാൾഡോ പറഞ്ഞത് ഇങ്ങനെ

കഴിഞ്ഞ നവംബറിൽ മാഞ്ചസ്റ്റർ യുണൈറ്റഡ് കരാർ അവസാനിപ്പിച്ചതിന് ശേഷം ക്രിസ്റ്റ്യാനോ റൊണാൾഡോ നിലവിൽ സൗദി അറേബ്യൻ ടീമായ അൽ-നാസറിന് വേണ്ടിയാണ് കളിക്കുന്നത്. മെസി നിലവിൽ അമേരിക്കൻ ക്ലബായ ഇന്റർ മിയാമിയുടെ ഭാഗമാണ്. ക്രിസ്റ്റ്യാനോ റൊണാൾഡോയും ലയണൽ മെസ്സിയും ഇപ്പോഴും ഫുട്ബോളിന്റെ രാജാക്കന്മാരായി തുടരുന്നവരാണ്. ഫുടബോളിൽ മുൻനിരയിൽ നിൽക്കുന്ന രണ്ട് താരങ്ങളാണ് ഇവർ.

തങ്ങൾക്കുള്ള കഴിവുകളെ പരസ്പരം പുകഴ്ത്തുന്നതിന് ഇവർക്ക് മടിയൊന്നുമില്ല. അതോടൊപ്പം, ചില സമയങ്ങളിൽ ഇവർ പരസ്പരം ട്രോളുകയും കളിയാക്കുകയും ചെയ്യാറുണ്ട്. ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡിനൊപ്പം അസാധാരണമായ പ്രകടനം നടത്തിയതിന് ശേഷം 2008-ൽ ബാലൺ ഡി ഓർ നേടി. അവാർഡ് ലഭിക്കുന്നതിന് മുമ്പുള്ള വർഷം, പോർച്ചുഗൽ ഇന്റർനാഷണൽ തന്റെ ദേശീയ ടീമിനൊപ്പം ഡ്യൂട്ടിയിലായിരിക്കുമ്പോൾ പറഞ്ഞ കാര്യങ്ങൾ ഇപ്പോൾ വീണ്ടും ശ്രദ്ധേയമാകുന്നു.

‘ഞാൻ തന്നെയാണ് ഒന്നാമൻ. ബ്രസീലിയൻ കാക്ക, മെസ്സി, ഫെർണാണ്ടോ ടോറസ് എന്നിവർ ‘നല്ല സ്ഥാനാർത്ഥികളായിരുന്നു’ എന്നാൽ അവാർഡിന് ഏറ്റവും അർഹതയുള്ളത് എനിക്ക് തന്നെയാണ്’, അന്ന് 23 വയസ്സുള്ള റൊണാൾഡോ പറഞ്ഞു.

ക്രിസ്റ്റ്യാനോ റൊണാൾഡോയോട് അർജന്റീനിയൻ താരവുമായുള്ള മത്സരത്തെക്കുറിച്ച് ആ വർഷം ഒരു മത്സരത്തിന് ശേഷമുള്ള അഭിമുഖത്തിൽ ചോദിച്ചു. മുൻ മാഞ്ചസ്റ്റർ യുണൈറ്റഡ് താരത്തിന്റെ പ്രതികരണം ഈ വിഷയത്തിൽ അദ്ദേഹത്തിന്റെ ഏറ്റവും വിവാദപരമായ അഭിപ്രായം സൃഷ്ടിച്ചു. ‘ഞാൻ ചോദ്യത്തിന് ഉത്തരം നൽകാൻ പോകുന്നില്ല. ഞാൻ മെസ്സിയെക്കാൾ മികച്ചവനാണെന്ന് എല്ലാവർക്കും അറിയാം’ എന്നായിരുന്നു അദ്ദേഹത്തിന്റെ മറുപടി.