തിരുവനന്തപുരം: മദ്യവില്‍പ്പന നടത്തുന്നുവെന്ന് പൊലീസില്‍ പരാതിപ്പെട്ടയാളെ തലക്കടിച്ച് കൊലപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റില്‍. നെടുമങ്ങാട് തേക്കട ചീരാണിക്കര കുഴിവിള തടത്തരികത്ത് വീട്ടില്‍ നൗഫല്‍ (25) ആണ് നെടുമങ്ങാട് പിടിയിലായത്.
കല്ലുവരമ്പ് സ്വദേശിയായ അരുണ്‍ സ്‌കൂട്ടറില്‍ വരുമ്പോള്‍ വീടിന്റെ മുന്‍വശത്ത് തടഞ്ഞ് നിര്‍ത്തി ചവിട്ടി വീഴ്ത്തുകയും വീട്ടില്‍ ഓടിക്കയറിയപ്പോള്‍ പിന്‍തുടര്‍ന്നെത്തി മരക്കഷണം കൊണ്ട് തലയ്ക്കടിച്ച് കൊലപ്പെടുത്താന്‍ ശ്രമിച്ചെന്നുമാണ് കേസ്. തിരുവനന്തപുരം റൂറല്‍ എസ്.പി കിരണ്‍ നാരായണിന് കിട്ടിയ രഹസ്യവിവരത്തിന്റെ അടിസ്ഥാനത്തില്‍ നെടുമങ്ങാട് സി.ഐ ശ്രീകുമാരന്‍ നായരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
Post Your Comments