ന്യൂഡൽഹി: ജമ്മു കശ്മീരിന് പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കാനുള്ള കേന്ദ്രത്തിന്റെ നീക്കത്തെ പിന്താങ്ങിയ സുപ്രീം കോടതി വിധി ജനങ്ങൾ സ്വാഗതം ചെയ്യണമെന്ന് മുൻ ഗവർണറും കോൺഗ്രസ് നേതാവുമായ കരൺ സിംഗ്. വിധി സ്വാഗതം ചെയ്ത്, അടുത്ത തെരഞ്ഞെടുപ്പിനെ നേരിടാൻ അവർ തങ്ങളുടെ ഊർജ്ജം മാറ്റിവെയ്ക്കണമെന്ന് അദ്ദേഹം ആവശ്യപ്പെട്ടു.
‘ജമ്മു കശ്മീരിലെ ഒരു വിഭാഗം ജനങ്ങളോടുള്ള എന്റെ ആത്മാർത്ഥമായ ഉപദേശം, ഈ വിധി അംഗീകരിക്കണം എന്നതാണ്. അനിവാര്യമാണ്, ഇപ്പോൾ ഇത് ചെയ്തുവെന്നും സുപ്രീം കോടതി നടപടി ശരിവച്ചു. അതിനാൽ അനാവശ്യമായി തല ഭിത്തിയിൽ അടിക്കുന്നതിൽ അർത്ഥമില്ല എന്ന വസ്തുത അവർ അംഗീകരിക്കണം. ഇപ്പോൾ എന്റെ നിർദ്ദേശം, അടുത്ത തെരഞ്ഞെടുപ്പിനെ നേരിടാൻ അവർ തങ്ങളുടെ ഊർജ്ജം തിരിയണം എന്നതാണ്. അവിടെയാണ് നിഷേധാത്മകത വളർത്തുന്നതിന് പകരം ജനങ്ങളെ ഇപ്പോൾ പ്രചോദിപ്പിക്കേണ്ടത്’, അദ്ദേഹം പറഞ്ഞു.
അതേസമയം, ആർട്ടിക്കിൾ 370 ജമ്മു കശ്മീരിനെ ഇന്ത്യൻ യൂണിയനിൽ ലയിപ്പിക്കുന്നതിനുള്ള താൽക്കാലിക വ്യവസ്ഥയാണെന്ന് സുപ്രീം കോടതി വിധിച്ചു. 2024 സെപ്‌റ്റംബറിൽ കേന്ദ്രഭരണപ്രദേശത്ത് തിരഞ്ഞെടുപ്പ് നടത്താനും സുപ്രീം കോടതി ഇന്ത്യൻ തിരഞ്ഞെടുപ്പ് കമ്മീഷനോട് നിർദ്ദേശിച്ചു. 2019-ൽ ജമ്മു കശ്മീരിൽ നിന്ന് ലഡാക്ക് കേന്ദ്രഭരണ പ്രദേശം വിഭജിക്കാനുള്ള കേന്ദ്രത്തിന്റെ തീരുമാനത്തിന്റെ സാധുത സുപ്രീം കോടതി ശരിവച്ചു.
Post Your Comments