വിവാഹ സംഘം സഞ്ചരിച്ച കാർ ട്രക്കുമായി കൂട്ടിയിടിച്ചു: വധുവരന്മാർ ഉൾപ്പെടെയുള്ളവർക്ക് ദാരുണാന്ത്യം

റായ്പുർ: വിവാഹ സംഘം സഞ്ചരിച്ച കാർ ട്രക്കുമായി കൂട്ടിയിടിച്ച് വധുവരന്മാർ ഉൾപ്പെടെയുള്ളവർക്ക് ദാരുണാന്ത്യം. ഛത്തീസ്ഗഡിലാണ് സംഭവം. വധൂവരൻമാരും കാറിലുണ്ടായിരുന്ന അടുത്ത ബന്ധുക്കളായ മൂന്നുപേരുമാണ് മരണപ്പെട്ടത്.

Read Also: ഐഫോൺ പ്രേമികളുടെ പ്രതീക്ഷ വാനോളം ഉയർത്തി ടാറ്റ ഗ്രൂപ്പ്! പുതിയ പ്ലാന്റ് ഉടൻ നിർമ്മിക്കും

ചമ്പ ജില്ലയിൽ വച്ചാണ് അപകടം സംഭവിച്ചത്. വിവാഹ സംഘം സഞ്ചരിച്ച കാർ എതിർവശത്ത് നിന്ന് വന്ന ട്രക്കുമായി കൂട്ടിയിടിക്കുകയായിരുന്നു. വധു അടക്കം നാലു പേർ സംഭവ സ്ഥലത്തു തന്നെ മരണപ്പെട്ടിരുന്നു. ഗുരുതരമായി പരിക്കേറ്റ വരനെ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

അപകടത്തിന് പിന്നാലെ ഡ്രൈവർ ട്രക്ക് ഉപേക്ഷിച്ച് ഓടിരക്ഷപ്പെട്ടു. ഇയാളെ പിടികൂടാനായുള്ള അന്വേഷണം ആരംഭിച്ചതായി പോലീസ് അറിയിച്ചു.

Read Also: ബാങ്ക് അക്കൗണ്ട് സസ്‌പെൻഡ് ചെയ്തു എന്ന പേരിൽ തട്ടിപ്പ് സന്ദേശം: മുന്നറിയിപ്പുമായി അധികൃതർ