തിരുവനന്തപുരം: കഴിഞ്ഞ വര്‍ഷത്തെ ചോദ്യപേപ്പര്‍ ആവര്‍ത്തിച്ചതിനെ തുടർന്ന് കേരള സര്‍വ്വകലാശാല വെള്ളിയാഴ്ച നടത്തിയ അഞ്ചാം സെമസ്റ്റര്‍ ബിഎ ഹിസ്റ്ററി പരീക്ഷ റദ്ദാക്കി. വെള്ളിയാഴ്ച നടന്ന അഞ്ചാം സെമസ്റ്റര്‍ ബി.എ ഹിസ്റ്ററിയുടെ പേപ്പറായ ‘മേജര്‍ ട്രെൻഡ്‌സ് ഇൻ ഹിസ്‌റ്റോറിയോഗ്രഫി’യുടെ പരീക്ഷയാണ് റദ്ദാക്കിയത്. കൂടാതെ, ഡിസംബര്‍11,13 തീയതികളില്‍ നടത്താനിരുന്ന ബിഎ ഹിസ്റ്ററിയുടെ 5-ാം സെമസ്റ്ററിലെ മറ്റു പരീക്ഷകള്‍ മാറ്റി വച്ചു. പുതുക്കിയ തീയതി പിന്നീടറിയിക്കും.
read also: സുതാര്യതയാണ് സംസ്ഥാന സർക്കാരിന്റെ മുഖമുദ്ര: മന്ത്രി വി അബ്ദുറഹിമാൻ
പരീക്ഷയ്‌ക്ക് ശേഷമാണ് കോളേജുകളില്‍ നിന്ന് കഴിഞ്ഞ വര്‍ഷത്തെ ചോദ്യപേപ്പറാണ് ഇത്തവണയും ഉണ്ടായതെന്ന് പരീക്ഷ കണ്‍ട്രോളര്‍ക്ക് വിവരം ലഭിക്കുന്നത്. വൈസ് ചാൻസ്‌ലറെ ഇക്കാര്യം അറിയിച്ചതോടെ പരീക്ഷ റദ്ദാക്കാൻ നിര്‍ദ്ദേശിക്കുകയായിരുന്നു.
Post Your Comments