പെ​ൺ​കു​ട്ടി​ക്കെ​തി​രെ ലൈം​ഗീ​കാ​തി​ക്ര​മം: പ്രതിക്ക് 65 വ​ർ​ഷ​വും ഇ​ര​ട്ട ജീ​വ​പ​ര്യ​ന്തവും 5.10 ല​ക്ഷം പി​ഴ​യും

മീ​ന​ങ്ങാ​ടി: പ്രാ​യ​പൂ​ർ​ത്തി​യാ​വാ​ത്ത പെ​ൺ​കു​ട്ടി​ക്കെ​തി​രെ ലൈം​ഗികാ​തി​ക്ര​മം ന​ട​ത്തി​യ കേ​സി​ൽ പ്ര​തി​ക്ക് വി​വി​ധ വ​കു​പ്പു​ക​ളി​ലാ​യി 65 വ​ർ​ഷ​വും കൂ​ടാ​തെ ഇ​ര​ട്ട ജീ​വ​പ​ര്യ​ന്തം ക​ഠി​ന ത​ട​വും 5.10 ല​ക്ഷം പി​ഴ​യും ശി​ക്ഷ വിധിച്ച് കോടതി. ക​ൽ​പ​റ്റ അ​തി​വേ​ഗ സ്പെ​ഷ​ൽ കോ​ട​തി ജ​ഡ്ജ് കെ.​ആ​ർ. സു​നി​ൽ​കു​മാ​റാ​ണ് ശി​ക്ഷ വി​ധി​ച്ച​ത്.

2016 മു​ത​ൽ കു​ട്ടി​ക്കെ​തി​രെ മൂ​ന്നു വ​ർ​ഷ​ത്തോ​ളം ലൈം​ഗീ​കാ​തി​ക്ര​മം ന​ട​ത്തി​യെ​ന്നും പു​റ​ത്തു പ​റ​ഞ്ഞാ​ൽ കൊ​ല്ലു​മെ​ന്നും ഭീ​ഷ​ണി​പ്പെ​ടു​ത്തി​യെ​ന്ന പ​രാ​തി​യി​ൽ 2019-ൽ അ​മ്പ​ല​വ​യ​ൽ പൊ​ലീ​സ് സ്റ്റേ​ഷ​നി​ൽ ആണ് കേ​സ് ര​ജി​സ്റ്റ​ർ ചെ​യ്ത​ത്.

Read Also : സർവ്വ പാപങ്ങളെയും നീക്കുന്ന ഉരൽക്കുഴി സ്നാനം, ധർമശാസ്താവ് തന്റെ വിശ്വരൂപം വെളിപ്പെടുത്തിയ ഇടം !!

കേ​സി​ന്റെ അ​ന്വേ​ഷ​ണം പി​ന്നീ​ട് മീ​ന​ങ്ങാ​ടി പൊ​ലീ​സി​ലേ​ക്ക് കൈ​മാ​റു​ക​യാ​യി​രു​ന്നു. അ​ന്ന​ത്തെ മീ​ന​ങ്ങാ​ടി പൊ​ലീ​സ് സ്റ്റേ​ഷ​ൻ ഇ​ൻ​സ്‌​പെ​ക്ട​ർ എ​സ്.​എ​ച്ച്.​ഒ കെ.​കെ. അ​ബ്‌​ദു​ൽ ഷെ​രീ​ഫ് ആ​ണ് കേ​സി​ന്റെ അ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ച​ത്.

പ്രോ​സി​ക്യൂ​ഷ​ന് വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ ജി. ​ബ​ബി​ത ഹാ​ജ​രാ​യി. പ്രോ​സി​ക്യൂ​ഷ​നെ സ​ഹാ​യി​ക്കു​ന്ന​തി​നാ​യി സി​വി​ൽ പൊ​ലീ​സ് ഓ​ഫീസ​ർ കെ.​കെ. റ​മീ​ന​യും ഉ​ണ്ടാ​യി​രു​ന്നു.