ക​ഞ്ചാ​വ് വി​ൽ​പ​ന​ക്കാ​യി സൂ​ക്ഷി​ച്ച കേ​സ്: യുവാവിന് അഞ്ചുവർഷം തടവും പിഴയും

കൊ​ല്ലം: ര​ണ്ടു കി​ലോ ക​ഞ്ചാ​വ് വി​ൽ​പ​ന​ക്കാ​യി സൂ​ക്ഷി​ച്ച കേ​സി​ൽ പ്ര​തി​ക്ക്​ അ​ഞ്ചു​വ​ർ​ഷം ക​ഠി​ന​ത​ട​വും 50,000 രൂ​പ പി​ഴ​യും ശി​ക്ഷ വിധിച്ച് കോടതി. കൊ​ട്ടാ​ര​ക്ക​ര എ​ഴു​കോ​ൺ കോ​ട്ടേ​ക്കു​ന്ന് വീ​ട്ടി​ൽ സ്റ്റീ​ഫ​ൻ ഫ​ർ​ണാ​ണ്ട​സി​നെ​യാ​ണ് കോടതി ശിക്ഷിച്ചത്. കൊ​ല്ലം ര​ണ്ടാം അ​ഡീ​ഷ​ന​ൽ സെ​ഷ​ൻ​സ് കോ​ട​തിയാണ് ശി​ക്ഷ വിധിച്ച​ത്.

പി​ഴ ഒ​ടു​ക്കാ​തി​രു​ന്നാ​ൽ ഒ​രു മാ​സം കൂ​ടി ത​ട​വ് ശി​ക്ഷ അ​നു​ഭ​വി​ക്ക​ണ​മെ​ന്ന്​ അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി വി. ​ഉ​ദ​യ​കു​മാ​ർ ശി​ക്ഷാ​വി​ധി​യി​ൽ വ്യ​ക്ത​മാ​ക്കി.

Read Also : ഇന്ത്യൻ നിരത്തുകൾ കീഴടക്കാൻ വീണ്ടും ഹോണ്ടയെത്തി, സിബി 350 വിപണിയിൽ അവതരിപ്പിച്ചു

2020 ജൂ​ലൈ 31ന്​ ​രാ​ത്രി ഒ​ന്നി​ന്​ പ്ര​തി​യെ ക​ഞ്ചാ​വു​മാ​യി പി​ടി​കൂ​ടി​യ കേ​സി​ലാ​ണ്​ ശിക്ഷ വി​ധിച്ചത്. കൊ​ല്ലം-​ചെ​ങ്കോ​ട്ട ദേ​ശീ​യ​പാ​ത​യി​ലൂ​ടെ പ​ട്രോ​ൾ ഡ്യൂ​ട്ടി ചെ​യ്തു​വ​ന്ന എ​ക്സൈ​സ് സം​ഘം കു​ണ്ട​റ മു​ക്ക​ട ജ​ങ്​​ഷ​നി​ലു​ള്ള മെ​ഡി​ക്ക​ൽ സ്​​റ്റോ​റി​ന്​ സ​മീ​പ​ത്ത്​ സം​ശ​യാ​സ്പ​ദ​മാ​യ സാ​ഹ​ച​ര്യ​ത്തി​ൽ പ്ര​തി​യെ കാ​ണു​ക​യും പ​രി​ശോ​ധ​ന​യി​ൽ ഇ​യാ​ളു​ടെ പ​ക്ക​ൽ​ നി​ന്ന്​ ര​ണ്ട് കി​ലോ ക​ഞ്ചാ​വ് ക​ണ്ടെ​ത്തു​ക​യു​മാ​യി​രു​ന്നു. ഇ​തു​കൂ​ടാ​തെ, ക​ഞ്ചാ​വ് ക​ട​ത്തി​യ​തി​ന്​ നി​ര​വ​ധി കേ​സു​ക​ളി​ൽ വി​ചാ​ര​ണ നേ​രി​ട്ടു വ​രു​ക​യാ​ണ് പ്ര​തി.

Read Also : നഗരസഭാ ജീവനക്കാരുടെ മേൽ ചൂടുപാൽ ഒഴിച്ച വഴിയോര കച്ചവടക്കാരിക്കെതിരെയും ഭീഷണിപ്പെടുത്തിയ സിഐടിയു നേതാക്കൾക്കെതിരെയും കേസ്

കൊ​ല്ലം എ​ക്സൈ​സ് എ​ൻ​ഫോ​ഴ്​​സ്​​മെ​ന്റ് സ്പെ​ഷ​ൽ സ്ക്വാ​ഡ് സ​ർ​ക്കി​ൾ ഇ​ൻ​സ്പെ​ക്ട​ർ ഐ. ​നൗ​ഷാ​ദി​ന്റെ നേ​തൃ​ത്വ​ത്തി​ലെ സം​ഘ​മാ​ണ് പ്ര​തി​യെ പി​ടി​കൂ​ടി കേ​സെ​ടു​ത്ത​ത്. എ​ക്സൈ​സ് ഇ​ൻ​സ്പെ​ക്ട​ർ രാ​ജീ​വ്, സി​വി​ൽ എ​ക്സൈ​സ് ഓ​ഫീസ​ർ​മാ​രാ​യ ക്രി​സ്റ്റി​ൻ, ഗോ​പ​കു​മാ​ർ, ന​ഹാ​സ് എ​ന്നി​വ​ർ സം​ഘ​ത്തി​ൽ ഉ​ണ്ടാ​യി​രു​ന്നു. കൊ​ല്ലം അ​സി.​എ​ക്സൈ​സ് ക​മീ​ഷ​ണ​റാ​യി​രു​ന്ന ബി. ​സു​രേ​ഷ് ആ​ണ് അ​ന്വേ​ഷ​ണം പൂ​ർ​ത്തി​യാ​ക്കി പ്ര​തി​ക്കെ​തി​രെ കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ വി. ​വി​നോ​ദ് കോ​ട​തി​യി​ൽ ഹാ​ജ​രാ​യി.