സംസ്ഥാനത്ത് ഇന്നും ട്രെയിൻ ഗതാഗതത്തിന് നിയന്ത്രണം: 5 ട്രെയിനുകൾ പൂർണമായും റദ്ദ് ചെയ്തു

സംസ്ഥാനത്ത് ഇന്നും ട്രെയിൻ ഗതാഗതത്തിന് നിയന്ത്രണം തുടരും. പുതുക്കാട്-ഇരിഞ്ഞാലക്കുട സെക്ഷനിൽ പാലം നവീകരണ ജോലി നടക്കുന്ന തുടർന്നാണ് ട്രെയിൻ ഗതാഗതത്തിന് നിയന്ത്രണം ഏർപ്പെടുത്തിയത്. ഇന്നലെയും ട്രെയിനുകൾക്ക് നിയന്ത്രണം ഏർപ്പെടുത്തിയിരുന്നു. ഇന്ന് 5 ട്രെയിനുകൾ പൂർണമായും, 4 ട്രെയിനുകൾ ഭാഗികമായും റദ്ദ് ചെയ്തിട്ടുണ്ട്. ഇന്ന് പൂർണമായും, ഭാഗികമായും റദ്ദ് ചെയ്ത ട്രെയിനുകളെ കുറിച്ച് അറിയാം

പൂർണമായി റദ്ദ് ചെയ്തവ

• തിരുവനന്തപുരം-മംഗളൂരു മാവേലി സെൻട്രൽ എക്സ്പ്രസ് (16604)
• ഷൊർണൂർ- എറണാകുളം മെമു (06017)
• ഗുരുവായൂർ-എറണാകുളം എക്സ്പ്രസ് സ്പെഷ്യൽ (06439)
• എറണാകുളം-കോട്ടയം എക്സ്പ്രസ് സ്പെഷ്യൽ (06453)
• കോട്ടയം-എറണാകുളം എക്സ്പ്രസ് സ്പെഷ്യൽ (06434)

ഭാഗികമായി റദ്ദ് ചെയ്തവ

• ഗുരുവായൂർ-തിരുവനന്തപുരം ഇന്റർസിറ്റി (16341) ഗുരുവായൂരിന് പകരം, എറണാകുളം ജംഗ്ഷനിൽ നിന്നാണ് യാത്ര ആരംഭിക്കുക.
• തിരുവനന്തപുരം-മംഗളൂരു മലബാർ (16629) തിരുവനന്തപുരത്തിന് പകരം തിങ്കളാഴ്ച പുലർച്ചെ 2:40-ന് ഷൊർണൂരിൽ നിന്ന് യാത്ര പുറപ്പെടും.
• ഗുരുവായൂർ-മധുര എക്സ്പ്രസ് (16328) ഗുരുവായൂരിനു പകരം രാവിലെ ആലുവയിൽ നിന്നാണ് യാത്ര ആരംഭിക്കുക.
• എറണാകുളം-കാരയ്ക്കൽ എക്സ്പ്രസ് (16188) എറണാകുളത്തിന് പകരം തിങ്കളാഴ്ച പുലർച്ചെ 1:40-ന് പാലക്കാട് നിന്നാണ് യാത്ര ആരംഭിക്കുക.