കോട്ടയം: മോഷണക്കേസില്‍ ജാമ്യത്തിലിറങ്ങി ഒളിവിൽ പോയ പ്രതി 32 വര്‍ഷത്തിനുശേഷം പൊലീസ് പിടിയിൽ. മൂവാറ്റുപുഴ തടത്തില്‍ ടി.പി. രാജനെ(61)യാണ് അറസ്റ്റ് ചെയ്തത്.
1991-ല്‍ റബര്‍ ഷീറ്റ് മോഷ്ടിച്ച കേസില്‍ ഇയാള്‍ അറസ്റ്റിലാവുകയും കോടതി തടവുശിക്ഷ വിധിക്കുകയും ചെയ്തിരുന്നു. തുടര്‍ന്ന്, ഇയാള്‍ വിധിക്കെതിരെ അപ്പീല്‍ കൊടുത്തതിനുശേഷം ജാമ്യത്തിലിറങ്ങി മുങ്ങുകയായിരുന്നു.
തുടർന്ന്, കോടതി ഇയാള്‍ക്കെതിരേ അറസ്റ്റ് വാറണ്ട് പുറപ്പെടുവിക്കുകയും ചെയ്തു. ഇത്തരത്തില്‍ കോടതി ശിക്ഷ വിധിച്ചതിനുശേഷം ഒളിവില്‍ കഴിഞ്ഞുവന്നിരുന്ന പ്രതികളെ പിടികൂടുന്നതിനുവേണ്ടി പ്രത്യേക അന്വേഷണസംഘം രൂപീകരിച്ചു നടത്തിയ തെരച്ചിലിലാണ് ഇയാളെ തൊടുപുഴയില്‍ നിന്നു പിടികൂടിയത്. അറസ്റ്റിലായ ഇയാളെ കോടതിയിൽ ഹാജരാക്കി.
Post Your Comments