കോട്ടയം: സ്‌കൂട്ടര്‍ മോഷണക്കേസില്‍ യുവാവ് അറസ്റ്റിൽ. പെരുമ്പായിക്കാട് നട്ടാശേരി കുന്നുംപുറം മഞ്ഞുള്ളിമാലിയില്‍ എം.എസ്. സായന്തി(19)നെയാണ് അറസ്റ്റ് ചെയ്തത്. കോട്ടയം ഈസ്റ്റ് പൊലീസ് ആണ് അറസ്റ്റ് ചെയ്തത്.
അഞ്ചിനു രാത്രി ഏഴിനു കോട്ടയം നാഗമ്പടം ബസ് സ്റ്റാന്‍ഡിലെ ബാര്‍ബര്‍ ഷോപ്പിന് സമീപത്തുനിന്നാണ് അറസ്റ്റ് ചെയ്തത്. യുവാവ് അയ്മനം സ്വദേശിയായ യുവാവിന്‍റെ സ്‌കൂട്ടര്‍ മോഷ്ടിച്ചു കടന്നുകളയുകയായിരുന്നു.
പരാതിയുടെ അടിസ്ഥാനത്തിൽ കോട്ടയം ഈസ്റ്റ് പൊലീസ് കേസെടുത്ത് നടത്തിയ പരിശോധനയില്‍ മോഷ്ടാവിനെ തിരിച്ചറിയുകയും തുടര്‍ന്ന് കഴിഞ്ഞദിവസം നടത്തിയ വാഹന പരിശോധനയില്‍ ഇയാളെ വാഹനവുമായി പിടികൂടുകയുമായിരുന്നു. മോഷ്ടിച്ച വാഹനത്തിന്‍റെ നമ്പര്‍ പ്ലേറ്റ് അടര്‍ത്തി മാറ്റിയ നിലയിലാണ് ഇയാള്‍ പൊലീസിന്‍റെ പിടിയിലായത്. കോടതിയില്‍ ഹാജരാക്കിയ യുവാവിനെ റിമാന്‍ഡ് ചെയ്തു.
Post Your Comments