ഒന്നാം കേരളീയം വൻ വിജയം: പ്രതീക്ഷിച്ചതിലും വലിയ ജനപങ്കാളിത്തം ഉണ്ടായെന്ന് മുഖ്യമന്ത്രി

തിരുവനന്തപുരം: ഒന്നാം കേരളീയം വൻ വിജയമെന്ന് മുഖ്യമന്ത്രി പിണറായി വിജയൻ. ഒന്നാം കേരളീയം കേരളത്തിന്റെ പ്രൗഢിയും പെരുമയും സംസ്‌കാരവും വിളിച്ചോതിയെന്ന് അദ്ദേഹം പറഞ്ഞു. തിരുവനന്തപുരത്ത് ഇന്ന് നടത്തിയ വാർത്താസമ്മേളനത്തിലാണ് മുഖ്യമന്ത്രി ഇക്കാര്യം വ്യക്തമാക്കിയത്.

Read Also: യാത്രക്കിടെ യുവാവ് മരിച്ചു, യാത്രക്കാര്‍ മൃതദേഹത്തിനൊപ്പം സഞ്ചരിച്ചത് 600 കിലോമീറ്റര്‍

രണ്ടാം കേരളീയത്തിന് ഒരുക്കങ്ങൾ തുടങ്ങിയെന്ന് അദ്ദേഹം വ്യക്തമാക്കി. ചീഫ് സെക്രട്ടറിയെ അധ്യക്ഷനാക്കി വിപുലമായ കമ്മിറ്റിക്ക് ഇന്ന് മന്ത്രിസഭാ യോഗം രൂപം നൽകി. കേരളത്തിന്റെ മഹോത്സവമായ ‘കേരളീയ’ത്തിന്റെ അവസാന ദിനം ആഘോഷ വേദികളിലേക്ക് ഒഴുകിയെത്തിയത് പതിനായിരങ്ങളാണ്. മലയാളത്തനിമയുടെയും നാം കൈവരിച്ച സാമൂഹികപുരോഗതിയുടെയും കേരളക്കരയുടെ സാഹോദര്യത്തിന്റെയും സാമുദായിക മൈത്രിയുടെയും ആഘോഷങ്ങൾ കേരളീയർ ഏറ്റെടുത്തതിന്റെ ദൃഷ്ടാന്തമായിരുന്നു ഈ ജനസഞ്ചയം. മഴ തീർത്ത തടസ്സങ്ങളെയും മറ്റ് വെല്ലുവിളികളെയും മറികടന്നെത്തിയ മനുഷ്യരാണ് ‘കേരളീയ’ത്തിന്റെ വിജയശില്പികളെന്നും അദ്ദേഹം കൂട്ടിച്ചേർത്തു.

Read Also: മഹീന്ദ്ര ഷോറൂമിലെ സര്‍വീസ് സെന്‍ററിൽ വാഹനം കഴുകുന്നതിനിടെ അപകടം: ജീവനക്കാരൻ മരിച്ചു