ഡെറാഡൂൺ: കേദാർനാഥിൽ തീർത്ഥാടകർക്ക് ചായ വിതരണം ചെയ്ത് രാഹുൽ ഗാന്ധി. ക്യൂവിൽ നിൽക്കുന്ന തീർത്ഥാടകർക്കാണ് രാഹുൽ ചായ വിതരണം ചെയ്തത്. ഇതിന്റെ വീഡിയോ ദൃശ്യങ്ങൾ സാമൂഹ്യ മാദ്ധ്യമങ്ങളിൽ വൈറലാകുകയാണ്. കേദാർനാഥ് ക്ഷേത്രത്തിൽ അദ്ദേഹം പ്രാർത്ഥന നടത്തുകയും ചെയ്തു.
ഉത്തരാഖണ്ഡിൽ മൂന്ന് ദിവസത്തെ സന്ദർശനത്തിന് വേണ്ടിയാണ് അദ്ദേഹം എത്തിയത്. രാഹുൽ കേദാർനാഥ് ക്ഷേത്രം സന്ദർശിക്കുകയും രാജ്യത്തിന്റെ സന്തോഷത്തിനും സമാധാനത്തിനും വേണ്ടി പ്രാർത്ഥിക്കുകയും ചെയ്തുവെന്ന് കോൺഗ്രസ് എക്‌സ് അക്കൗണ്ടിൽ കുറിച്ചു. ഛത്തീസ്ഗഡിലും മിസോറാമിലും തെരഞ്ഞെടുപ്പ് നടക്കാനിരിക്കെയാണ് രാഹുലിന്റെ കേദാർനാഥ് സന്ദർശനം.
Read Also: അതീവ സുരക്ഷാ ജയിലിലെ ജീവനക്കാരെ ആക്രമിച്ച സംഭവം: കൊടി സുനിയുൾപ്പെടെ 10 പേർക്കെതിരെ കേസ്
Post Your Comments