ഹോണർ 90 സ്മാർട്ട്ഫോണുകൾ ഇനി ഓഫ്‌ലൈനായും വാങ്ങാം! ആദ്യമെത്തിയത് ഈ സ്റ്റോറുകളിൽ

ആഗോള വിപണിയിൽ അടുത്തിടെ അവതരിപ്പിച്ച ഹോണറിന്റെ ഏറ്റവും പുതിയ 5ജി സ്മാർട്ട്ഫോണാണ് ഹോണർ 90 5ജി. മികച്ച ഫീച്ചറുകൾ ഉൾക്കൊള്ളിച്ചതിനാൽ
ചുരുങ്ങിയ കാലയളവിനുള്ളിൽ തന്നെ വളരെ വലിയ ജനപ്രീതി നേടിയെടുക്കാൻ സ്മാർട്ട്ഫോണിന് സാധിച്ചിട്ടുണ്ട്. ഏതാനും ആഴ്ചകൾക്ക് മുൻപാണ് ഹോണർ 90 ഇന്ത്യൻ വിപണിയിലും എത്തിയത്. പ്രീമിയം സ്മാർട്ട്ഫോണുകളുടെ ശ്രേണിയിൽ ഉൾപ്പെട്ട ഈ ഹാൻഡ്സെറ്റ് ആമസോൺ മുഖാന്തരം മാത്രമാണ് ഇന്ത്യൻ ഉപഭോക്താക്കൾക്ക് ലഭിച്ചിരുന്നുള്ളൂ. എന്നാൽ, ഇത്തവണ ഓൺലൈനിൽ മാത്രമല്ല, ഓഫ്‌ലൈനായും ഹോണർ 90 5ജി ലഭിക്കുമെന്നാണ് കമ്പനി അറിയിച്ചിരിക്കുന്നത്.

രാജ്യത്തെ എല്ലാ റിലയൻസ് ഡിജിറ്റൽ സ്റ്റോറുകളിലും ഹോണർ 90 5ജി എത്തിയിട്ടുണ്ട്. ഉപഭോക്താക്കൾക്ക് റിലയൻസ് ഡിജിറ്റൽ സ്റ്റോറുകൾ സന്ദർശിച്ച് ഈ സ്മാർട്ട്ഫോൺ സ്വന്തമാക്കാവുന്നതാണ്. ആമസോൺ മുഖാന്തരം വാങ്ങുമ്പോൾ ഉപഭോക്താക്കൾക്ക് നിരവധി കിഴിവുകൾ ലഭിച്ചിരുന്നു. എന്നാൽ, റീട്ടെയിൽ സ്റ്റോറുകൾ വഴി വിൽപ്പനയ്ക്ക് എത്തുമ്പോൾ, എന്തൊക്കെ ഡിസ്കൗണ്ടുകളാണ് റിലയൻസ് ഒരുക്കുക എന്നത് സംബന്ധിച്ച പ്രഖ്യാപനങ്ങൾ ഇതുവരെ നടന്നിട്ടില്ല. ഹോണർ 90 5ജി-യുടെ 8 ജിബി റാം പ്ലസ് 256 ജിബി ഇന്റേണൽ സ്റ്റോറേജ് വേരിയന്റിന് 37,999 രൂപയും, 12 ജിബി റാം പ്ലസ് 512 ജിബി ഇന്റേണൽ സ്റ്റോറേജ് വേരിയന്റിന് 39,999 രൂപയുമാണ് വില. ആമസോണിൽ ഇത് 27,749 രൂപയ്ക്ക് വരെ ഉപഭോക്താക്കൾക്ക് സ്വന്തമാക്കാൻ സാധിച്ചിരുന്നു.

Also Read: ക​ഞ്ചാ​വ് കേ​സ്: പ്ര​തി​ക്ക് ര​ണ്ടു വ​ര്‍ഷം ക​ഠി​ന​ത​ട​വും പിഴയും