മു​ക്കു​പ​ണ്ടം പ​ണ​യം​വെ​ച്ച് സ​ഹ​ക​ര​ണ ബാ​ങ്കു​ക​ളി​ൽ​നി​ന്ന്​ പ​ണം ത​ട്ടി​യെ​ടു​ത്തു: യു​വ​തി പി​ടി​യിൽ

കി​ളി​കൊ​ല്ലൂ​ർ: മു​ക്കു​പ​ണ്ടം പ​ണ​യം​വെ​ച്ച് സ​ഹ​ക​ര​ണ ബാ​ങ്കു​ക​ളി​ൽ​നി​ന്ന്​ പ​ണം ത​ട്ടി​യെ​ടു​ത്ത യു​വ​തി അറസ്റ്റിൽ. അ​ഞ്ചാ​ലും​മൂ​ട് പ്രാ​ക്കു​ളം, ച​രു​വി​ള പ​ടി​ഞ്ഞാ​റ്റ​തി​ൽ സി​നി​(32)യാ​ണ് അറസ്റ്റിലായത്. കി​ളി​കൊ​ല്ലൂ​ർ പൊ​ലീ​സാണ് പ്രതിയെ പി​ടി​കൂടിയ​ത്.

Read Also : വ്ലോഗര്‍ അശ്വന്ത് കോക്കിനെതിരെ വിദ്യാഭ്യാസ മന്ത്രിക്ക് പരാതി നൽകി നിർമ്മാതാക്കൾ

പ​ല സ​ഹ​ക​ര​ണ ബാ​ങ്കു​ക​ളി​ലാ​യി 191.9 ഗ്രാം ​തൂ​ക്കം വ​രു​ന്ന 23 വ്യാ​ജ സ്വ​ർ​ണ​വ​ള​ക​ൾ പ​ണ​യം വെ​ച്ച് 7,80,000 രൂ​പ ത​ട്ടി​യെ​ടു​ത്ത കേ​സി​ൽ കൊ​റ്റ​ങ്ക​ര പു​തു​വ​ൽ പു​ത്ത​ൻ​വീ​ട്ടി​ൽ ജ​യ​പ്ര​കാ​ശ് ശ്യാം​കു​മാ​ർ (33) നേ​ര​ത്തേ പി​ടി​യി​ലാ​യി​രു​ന്നു. ഈ ​കേ​സി​ൽ ന​ട​ത്തി​യ തു​ട​ര​ന്വേ​ഷ​ണ​ത്തി​ന്‍റെ ഭാ​ഗ​മാ​യാ​ണ് സി​നി പി​ടി​യി​ലാ​യ​ത്. ശ്യാം​കു​മാ​റി​ന് പ​ണ​യം വെ​ക്കാ​നു​ള്ള വ്യാ​ജ സ്വ​ർ​ണം ന​ൽ​കി​യ​ത് സി​നി​യാ​ണെ​ന്ന ക​ണ്ടെ​ത്ത​ലി​നെ തു​ട​ർ​ന്നാ​ണ് അ​റ​സ്റ്റ് ചെയ്തത്. സ​ഹ​ക​ര​ണ ബാ​ങ്കി​ലെ ജീ​വ​ന​ക്കാ​ർ​ക്ക് സം​ശ​യം തോ​ന്നി​യ​തി​നെ തു​ട​ർ​ന്ന്, പ​ണ​യം​വെ​ച്ച ആ​ഭ​ര​ണ​ങ്ങ​ൾ പ​രി​ശോ​ധ​ന​ക്ക് വി​ധേ​യ​മാ​ക്കി​യ​പ്പോ​ഴാ​ണ് മു​ക്കു​പ​ണ്ടം ആ​ണെ​ന്ന് തി​രി​ച്ച​റി​യാ​ൻ ക​ഴി​ഞ്ഞ​ത്.

തു​ട​ർ​ന്ന്, കി​ളി​കൊ​ല്ലൂ​ർ പൊ​ലീ​സി​ൽ ന​ൽ​കി​യ പ​രാ​തി​യുടെ അടിസ്ഥാനത്തിൽ കേ​സ്​ ര​ജി​സ്റ്റ​ർ ചെ​യ്ത് ന​ട​ത്തി​യ അ​ന്വേ​ഷ​ണ​ത്തി​ൽ പ്ര​തി​ക​ളെ പി​ടി​കൂ​ടു​ക​യാ​യി​രു​ന്നു. കി​ളി​കൊ​ല്ലൂ​ർ പൊ​ലീ​സ്​ ഇ​ൻ​സ്​​പെ​ക്ട​ർ ഗി​രീ​ഷി​ന്‍റെ നേ​തൃ​ത്വ​ത്തി​ൽ എ​സ്.​ഐ​മാ​രാ​യ രാ​ജേ​ഷ്, നി​സാം, എ.​എ​സ്.​ഐ ബി​ന്ദു​മോ​ൾ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. അറസ്റ്റിലായ പ്രതിയെ കോടതിയിൽ ഹാജരാക്കി.