വീ​ടി​ന്‍റെ മ​തി​ൽ ചാ​ടി ക​ട​ന്ന് വന്ന തെരുവുനായ്ക്കൾ വീ​ട്ട​മ്മ​യു​ടെ സ്കൂ​ട്ട​ർ ന​ശി​പ്പി​ച്ചു

കോ​ഴി​ക്കോ​ട്: വീ​ടി​ന്‍റെ മ​തി​ൽ ചാ​ടി ക​ട​ന്ന് വന്ന തെരുവുനായ്ക്കൾ വീ​ട്ട​മ്മ​യു​ടെ സ്കൂ​ട്ട​ർ ന​ശി​പ്പി​ച്ചു. പാ​വ​ങ്ങാ​ട് സ്വ​ദേ​ശി​നി കൈ​ത​കു​ള​ങ്ങ​ര വീ​ട്ടി​ൽ ജ​മീ​ല​യു​ടെ സ്കൂ​ട്ട​റാ​ണ് തെ​രു​വു​നാ​യ്ക്കൾ ന​ശി​പ്പി​ച്ച​ത്.

ക​ഴി​ഞ്ഞ ദി​വ​സം ആണ് സംഭവം. സ്കൂ​ട്ട​റി​ന​ടി​യി​ലു​ണ്ടാ​യി​രു​ന്ന ര​ണ്ട് ചെ​റി​യ പൂ​ച്ച​ക്കു​ട്ടി​ക​ളേ​യും നാ​യ​ക​ൾ കൊ​ന്നു. സ്കൂ​ട്ട​റി​ലെ വ​യ​ർ ക​ണ​ക്ഷ​ൻ ന​ശി​​ച്ച നി​ല​യി​ലാ​ണ്. സ്കൂ​ട്ട​റി​ന് ഇ​ൻ​ഷു​റ​ൻ​സ് പ​രി​ര​ക്ഷ പോ​ലും ല​ഭി​ക്കി​ല്ലെ​ന്നാണ് ലഭിക്കുന്ന വിവരം.

Read Also : കളിച്ചു കൊണ്ടിരുന്ന കുട്ടികളെ കബളിപ്പിച്ച് സൈക്കിള്‍ മോഷ്ടിച്ചു: കണ്ടെത്തി പൊലീസ്, പ്രതിക്കായി തെരച്ചിൽ

അതേസമയം, പാ​വ​ങ്ങാ​ട് പ്ര​ദേ​ശ​ത്ത് തെ​രു​വു​നാ​യ്ശ​ല്യം രൂ​ക്ഷം. പ​ക​ൽ-​രാ​ത്രി വ്യ​താ​സി​ല്ലാ​തെ നാ​യ്ക്ക​ളു​ടെ വി​ള​യാ​ട്ട​മാ​ണ്. കു​ട്ടി​ക​ളും മു​തി​ർ​ന്ന​വ​രും പു​റ​ത്തി​റ​ങ്ങാ​ൻ ഭ​യ​പ്പെ​ടു​ക​യാ​ണ്. കോ​ർ​പ​റേ​ഷ​ൻ അ​ധി​കൃ​ത​രോ​ട് പ​രാ​തി​പ്പെ​ട്ടി​ട്ടും ഒ​രു ന​ട​പ​ടി​യും സ്വീ​ക​രി​ച്ചി​ല്ലെ​ന്ന് നാ​ട്ടു​കാ​ർ പ​റ​യു​ന്നു.