അജ്മാൻ: യുഎഇയിൽ കെട്ടിടത്തിൽ നിന്നും വീണ് മലയാളി വിദ്യാർത്ഥി മരിച്ച നിലയിൽ. അജ്മാനിലാണ് സംഭവം. കൊല്ലം കുണ്ടറ സ്വദേശി റൂബൻ പൗലോസാണ് മരിച്ചത്. 17 വയസായിരുന്നു. തിങ്കളാഴ്ച പുലർച്ചെ അഞ്ച് മണിയോടെയാണ് മൃതദേഹം കെട്ടിടത്തിന് താഴെ കണ്ടെത്തിയത്. അജ്മാൻ ഗ്ലോബൽ ഇന്ത്യൻ സ്‌കൂൾ പ്ലസ് ടു വിദ്യാർത്ഥിയാണ്.
ചേംബർ ഓഫ് കൊമേഴ്സിന് അടുത്ത് ആറുനില കെട്ടിടത്തിലെ ആറാം നിലയിൽ നിന്നാണ് വീണത്. അജ്മാനിൽ സംരംഭകനായ പൗലോസ് ജോർജാണ് റൂബന്റെ പിതാവ്. ആശാ പൗലോസാണ് ദുബായ് അൽ തവാറിൽ നഴ്സായ മാതാവ്. സഹോദരിമാർ: രൂത്ത് സൂസൻ പൗലോസ്, റുബീന സൂസൻ.
പൗലോസ് കെട്ടിടത്തിൽ നിന്ന് എങ്ങനെയാണ് വീണതെന്ന കാര്യം വ്യക്തമല്ല. സംഭവത്തിൽ പോലീസ് അന്വേഷണം പുരോഗമിക്കുകയാണ്.
Post Your Comments