വിവോ വി29 ഇപ്പോൾ തന്നെ വാങ്ങാം! വിൽപ്പനയ്ക്ക് തുടക്കമായി

വിവോ ആരാധകർ ആകാംക്ഷയോടെ കാത്തിരുന്ന വിവോ വി29 സ്മാർട്ട്ഫോണുകളുടെ വിൽപ്പന ആരംഭിച്ചു. ഒക്ടോബർ ആദ്യ വാരമാണ് വിവോ വി29 പുറത്തിറക്കുന്നത്. ഉപഭോക്താക്കൾക്ക് വിവോയുടെ ഇ-സ്റ്റോർ, ഫ്ലിപ്കാർട്ട്, ഓഫ്‌ലൈൻ വിവോ സ്റ്റോറുകൾ, ക്രോമ, റിലയൻസ് ഡിജിറ്റൽ, വിജയ് സെയിൽസ്, ബജാജ് ഇലക്ട്രോണിക്സ് തുടങ്ങിയ പ്ലാറ്റ്ഫോമുകൾ മുഖാന്തരം വിവോ വി29 വാങ്ങാവുന്നതാണ്. പ്രമുഖ സോഷ്യൽ മീഡിയ പ്ലാറ്റ്ഫോമായ എക്സിലാണ് വിൽപ്പനയുമായി ബന്ധപ്പെട്ട ഔദ്യോഗിക വിവരങ്ങൾ വിവോ പങ്കുവെച്ചത്.

8 ജിബി റാം പ്ലസ് 128 ജിബി ഇന്റേണൽ സ്റ്റോറേജ്, 12 ജിബി റാം പ്ലസ് 256 ജിബി ഇന്റേണൽ സ്റ്റോറേജ് എന്നിങ്ങനെ 2 വേരിയന്റുകളിലാണ് വാങ്ങാൻ കഴിയുക. ഇവയിൽ 8 ജിബി റാം വേരിയന്റിന് 32,999 രൂപയും, 12 ജിബി വേരിയന്റിന് 36,999 രൂപയുമാണ് വില. എച്ച്ഡിഎഫ്സി, എസ്ബിഐ എന്നീ ബാങ്കുകളുടെ ഡെബിറ്റ് കാർഡ്/ ക്രെഡിറ്റ് കാർഡ് ഉപയോഗിച്ച് ഫ്ലിപ്കാർട്ട് മുഖാന്തരം പർച്ചേസ് ചെയ്യുകയാണെങ്കിൽ 3000 രൂപ വരെ കിഴിവ് നേടാൻ സാധിക്കും. സ്പേസ് ബ്ലാക്ക്, ഹിമാലയൻ ബ്ലൂ, മജസ്റ്റിക് റെഡ് എന്നിങ്ങനെ മൂന്ന് കളർ ഓപ്ഷനുകളിലാണ് ഈ ഡിവൈസ് ലഭ്യമാകുക.

Also Read: അടുത്ത വര്‍ഷം മുതല്‍ ‘സ്‌കൂള്‍ ഒളിമ്പിക്‌സ്’: സ്‌കൂള്‍ കായികമേളയുടെ പേര് മാറ്റാനൊരുങ്ങി സംസ്ഥാന സര്‍ക്കാര്‍