തലശ്ശേരി: നാരങ്ങാപ്പുറത്തെ പി.പി പെട്രോൾ പമ്പിലെ ജീവനക്കാരനെ മർദിച്ച കേസിൽ ഓട്ടോ ഡ്രൈവർ പൊലീസ് പിടിയിൽ. ചോനാടം സ്വദേശിയും താഴെ ചൊവ്വയിൽ താമസക്കാരനുമായ ഫർസീൻ ഇസ്മായിലിനെയാണ് അറസ്റ്റ് ചെയ്തത്. തലശ്ശേരി പൊലീസ് ആണ് അറസ്റ്റ് ചെയ്തത്.
ചൊവ്വാഴ്ച രാത്രിയാണ് സംഭവം. പുന്നോൽ സ്വദേശി പി.കെ. രജീഷിനാണ് മർദനമേറ്റത്. ഓട്ടോയിൽ ഡീസലടിച്ച ശേഷം പണം കൊടുക്കാതെ കടന്നുകളയാൻ ശ്രമിച്ചപ്പോഴായിരുന്നു ജീവനക്കാരനെ മർദിച്ചത്. തുടർന്ന്, പ്രതി രക്ഷപ്പെട്ടു. ഇതോടെ പൊലീസിൽ പരാതി നൽകുകയായിരുന്നു. മുഖത്തും തലക്കും പരിക്കേറ്റ രജീഷ് തലശ്ശേരിയിലെ ആശുപത്രിയിൽ ചികിത്സ തേടി.
പരാതിയിൽ വധശ്രമത്തിനാണ് കേസെടുത്തിട്ടുള്ളത്. സമീപത്തെ സി.സി.ടി.വി ദൃശ്യങ്ങളും പൊലീസ് പരിശോധിച്ചു. സി.ഐ എം. അനിലാണ് ഫർസീൻ ഇസ്മായിലിനെ കസ്റ്റഡിയിലെടുത്തത്.
Post Your Comments