ലോ​റി​ക​ളി​ല്‍ നി​ന്നും ബാ​റ്റ​റി​ക​ള്‍ മോ​ഷ്ടി​ച്ചു ക​ട​ത്തി: പ്രതി പി​ടി​യി​ല്‍

തെ​ന്മ​ല: വഴിയോ​ര​ത്ത് നി​ര്‍​ത്തി​യി​ട്ടി​രി​ക്കു​ന്ന ലോ​റി​ക​ളി​ല്‍ നി​ന്നും ബാ​റ്റ​റി​ക​ള്‍ മോ​ഷ്ടി​ച്ചു ക​ട​ത്തി​യ കേ​സി​ല്‍ പ്ര​തി പൊലീസ് പി​ടി​യി​ല്‍. ആ​റ്റി​ങ്ങ​ല്‍ വ​ഞ്ചി​യൂ​ര്‍ കു​ന്നി​ല്‍​വീ​ട്ടി​ല്‍ അ​ഖി​ല്‍(34) ആ​ണ് അറസ്റ്റിലായത്. തെ​ന്മ​ല പൊ​ലീ​സാണ് പി​ടി​കൂടിയ​ത്.

ഇ​ക്ക​ഴി​ഞ്ഞ ഞാ​യ​റാ​ഴ്ച​യാ​ണ് സംഭവം നടന്നത്. ഉ​റു​കു​ന്നി​ല്‍ വി​വി​ധ ഇ​ട​ങ്ങ​ളി​ലാ​യി നി​ര്‍​ത്തി​യി​ട്ടി​രു​ന്ന ലോ​റി​ക​ളി​ല്‍ നി​ന്നും പ​ത്തോ​ളം ബാ​റ്റ​റി​ക​ള്‍ ആണ് മോ​ഷ​ണം പോ​കു​ന്ന​ത്. ലോ​റി ജീ​വ​ന​ക്കാ​ര്‍ ന​ല്‍​കി​യ പ​രാ​തി​യി​ല്‍ കേ​സെ​ടു​ത്ത തെ​ന്മ​ല പൊ​ലീ​സ് സി​സി​ടി​വി ദൃ​ശ്യ​ങ്ങ​ള്‍ വി​ശ​ദ​മാ​യി പ​രി​ശോ​ധി​ക്ക​വേ സം​ശ​യാ​സ്പ​ദ​മാ​യി ഒ​രു കാ​ര്‍ ശ്ര​ദ്ധ​യി​ല്‍​പ്പെ​ടു​ക​യാ​യി​രു​ന്നു.

Read Also : എഐ ഉപയോഗിച്ച് പെണ്‍കുട്ടികളുടെ നഗ്‌നചിത്രങ്ങളുണ്ടാക്കി പ്രചരിപ്പിച്ചു: വയനാട്ടില്‍ പതിനാലുകാരൻ പിടിയിൽ

അ​റ​സ്റ്റ് രേ​ഖ​പ്പെ​ടു​ത്തി​യ പ്ര​തി​യെ ക​വ​ര്‍​ച്ച ചെ​യ്ത ബാ​റ്റ​റി​ക​ള്‍ വി​ല്‍​പ്പ​ന ന​ട​ത്തി​യ തി​രു​വ​ന​ന്ത​പു​രം ചാ​ല മാ​ര്‍​ക്ക​റ്റി​ല്‍ എ​ത്തി​ച്ച് തെ​ളി​വെ​ടു​പ്പ് ന​ട​ത്തി. ഇ​വി​ടെ നി​ന്നും ഇ​യാ​ള്‍ വി​ല്‍​പ്പ​ന ന​ട​ത്തി​യ ബാ​റ്റ​റി​ക​ള്‍ പൊ​ലീ​സ് ക​ണ്ടെ​ത്തി​യി​ട്ടു​ണ്ട്.

പ്ര​തി​ക്കെ​തി​രെ മു​മ്പ് കി​ളി​മാ​നൂ​ര്‍ പൊ​ലീ​സും സ​മാ​ന​മാ​യ കേ​സ് ര​ജി​സ്റ്റ​ര്‍ ചെ​യ്തി​ട്ടു​ണ്ട്. തെ​ന്മ​ല സ​ര്‍​ക്കി​ള്‍ ഇ​ന്‍​സ്പെ​ക്ട​ര്‍ ശ്യാം, ​എ​സ്ഐ സു​ബി​ന്‍ ത​ങ്ക​ച്ച​ന്‍, എഎ​സ്​ഐ റ​ജീ​ന, സീ​നി​യ​ര്‍ സി​വി​ല്‍ പൊ​ലീ​സ് ഓ​ഫീ​സ​ര്‍ ക​ണ്ണ​ന്‍, സി​വി​ല്‍ പൊലീ​സ് ഓ​ഫീ​സ​ര്‍​മാ​രാ​യ മ​ധു, വി​ഷ്ണു, അ​ജി​ത്ത് തു​ട​ങ്ങി​യ​വ​രാ​ണ് പ്ര​തി​യെ പി​ടി​കൂ​ടി​യ​ത്. പു​ന​ലൂ​ര്‍ കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ൻഡ് ചെ​യ്തു.