രാജ്യത്തിന്റെ വികസന യാത്ര തുടരുന്നതിന് ശുദ്ധവും വ്യക്തവും സുസ്ഥിരവുമായ ഭരണം ആവശ്യമാണ് പ്രധാനമന്ത്രി മോദി

ഡൽഹി: രാജ്യത്തിന്റെ വികസന യാത്ര തുടരുന്നതിന് ശുദ്ധവും വ്യക്തവും സുസ്ഥിരവുമായ ഭരണം ആവശ്യമാണെന്ന് പ്രധാനമന്ത്രി നരേന്ദ്ര മോദി. കഴിഞ്ഞ 30 ദിവസത്തിനുള്ളിൽ ഇന്ത്യയുടെ നയതന്ത്രം പുതിയ ഉയരങ്ങളിൽ എത്തിയെന്നും, ജി20 ഉച്ചകോടിക്കിടെ എടുത്ത ചില തീരുമാനങ്ങൾ 21-ാം നൂറ്റാണ്ടിൽ ലോകത്തിന്റെ ദിശ മാറ്റാൻ കഴിവുള്ളതാണെന്നും പ്രധാനമന്ത്രി വ്യക്തമാക്കി.

ഇന്നത്തെ ധ്രുവീകരിക്കപ്പെട്ട അന്താരാഷ്ട്ര അന്തരീക്ഷത്തിൽ, ഇത്രയധികം രാജ്യങ്ങളെ ഒരു വേദിയിൽ ഒരുമിച്ച് കൊണ്ടുവരുന്നത് ചെറിയ കാര്യമല്ലെന്നും ഈ മാസം ആദ്യം ഡൽഹിയിൽ നടന്ന ജി20 ഉച്ചകോടിയെ പരാമർശിച്ച് അദ്ദേഹം പറഞ്ഞു അദ്ദേഹം പറഞ്ഞു.

‘ഒന്നും പറയാനില്ല’: ജയിൽ മോചിതയായ ഷാരോൺ വധക്കേസിലെ പ്രതി ഗ്രീഷ്മ മാധ്യമങ്ങളോട്

‘ഞാൻ നിങ്ങൾക്ക് കഴിഞ്ഞ 30 ദിവസത്തെ ഒരു റിപ്പോർട്ട് കാർഡ് തരാൻ ആഗ്രഹിക്കുന്നു. കഴിഞ്ഞ 30 ദിവസത്തിനുള്ളിൽ ഇന്ത്യയുടെ നയതന്ത്രം പുതിയ ഉയരങ്ങളിലെത്തി. ജി20 ഉച്ചകോടി നയതന്ത്രപരവും ഡൽഹി കേന്ദ്രീകൃതവുമായ ഒരു പരിപാടി മാത്രമായി പരിമിതപ്പെടുത്താമായിരുന്നു, എന്നാൽ ഇന്ത്യ അതിനെ ജനങ്ങൾ നയിക്കുന്ന ദേശീയ പ്രസ്ഥാനമാക്കി മാറ്റി,’ പ്രധാനമന്ത്രി വ്യക്തമാക്കി.