പുരി-റൂർക്കേല വന്ദേ ഭാരത് എക്സ്പ്രസ് നാളെ ഫ്ലാഗ് ഓഫ് ചെയ്യും, സർവീസുകൾ സെപ്റ്റംബർ 25 മുതൽ

ഒഡീഷയുടെ രണ്ടാമത്തെ വന്ദേ ഭാരത് എക്സ്പ്രസ് നാളെ ഫ്ലാഗ് ഓഫ് ചെയ്യും. പ്രധാനമന്ത്രി നരേന്ദ്രമോദിയാണ് ഉദ്ഘാടനം നിർവഹിക്കുക. നാളെ ഫ്ലാഗ് ഓഫ് ചെയ്യുമെങ്കിലും, സെപ്റ്റംബർ 25 മുതലാണ് സർവീസുകൾ ആരംഭിക്കുക. പുതിയ സെമി-ഹൈ സ്പീഡ് ട്രെയിൻ പുരിക്കും റൂർക്കേലയ്ക്കും ഇടയിൽ ഭുവനേശ്വറിലൂടെയാണ് സർവീസ് നടത്തുന്നത്. ഖുർദാ റോഡ്, ഭുവനേശ്വർ, കട്ടക്, ധേൻകനൽ, അംഗുൽ, സംബൽപുർ സിറ്റി, ജാർസുഗുഡ എന്നീ 7 സ്റ്റേഷനുകളിൽ സ്റ്റോപ്പ് ഉണ്ടാകും.

പുലർച്ചെ 5:00 മണിക്ക് പുരിയിൽ നിന്നും ആരംഭിക്കുന്ന ട്രെയിൻ 12:45-ന് റൂർക്കേലയിൽ എത്തിച്ചേരും. മടക്കയാത്ര ഉച്ചയ്ക്ക് 2:10-ന് റൂർക്കേലയിൽ നിന്നും പുറപ്പെട്ട് രാത്രി 9:40-ന് പുരിയിൽ എത്തിച്ചേരുന്ന തരത്തിലാണ് സർവീസ് ക്രമീകരിച്ചിരിക്കുന്നത്. ഒരു എക്സിക്യൂട്ടീവ് എസി ചെയർകാർ, 7 എസി ചെയർകാർ എന്നിവയാണ് ട്രെയിനിൽ ഉള്ളത്. ഈ വർഷം മെയ് 18-നാണ് ഒഡീഷയ്ക്ക് ആദ്യ വന്ദേ ഭാരത് എക്സ്പ്രസ് ലഭിച്ചത്. 16 കോച്ചുകൾ ഉള്ള ഈ ട്രെയിൻ പുരി- ഹൗറ റൂട്ടിലാണ് സർവീസ് നടത്തുന്നത്.

Also Read: പഞ്ചാബിലെ റാവൽപിണ്ടിയിൽ ഭീകരാക്രമണ ശ്രമം: 13 ഐ.എസ്.ഐ.എസ് ഭീകരർ പിടിയിൽ