കളര്‍ഫുള്ളായി കേരളത്തിന്റെ പുതിയ വന്ദേഭാരത്

തിരുവനന്തപുരം: ഹൗസ് ഫുള്ളായി  കേരളത്തിന്റെ 20 കോച്ചുള്ള വന്ദേ ഭാരത് എക്‌സ്പ്രസിന്റെ കന്നിയാത്ര. 1440 പേരാണ് യാത്ര ചെയ്തത്. തിരുവനന്തപുരത്ത് നിന്ന് കാസര്‍കോട്ടേക്കുള്ള ട്രെയിനിന്റെ യാത്രയുടെ ആദ്യദിനം തന്നെ 100 ശതമാനം ബുക്കിംഗ് ലഭിച്ചു. അധികമായി നാല് കോച്ചുകള്‍ കൂടി ഉള്‍പ്പെടുത്തിയാണ് പുത്തന്‍ സര്‍വീസ് നടത്തുന്നത്. 312 സീറ്റുകളാണ് അധികം ലഭിക്കുക. നേരത്തെ ഓടിയിരുന്ന 16 കോച്ചുള്ള തിരുവനന്തപുരം-കാസര്‍കോട്- തിരുവനന്തപുരം വന്ദേഭാരതിന് പകരമായിട്ടാണ് 20 കോച്ചുള്ള വന്ദേഭാരത് സര്‍വീസ് നടത്തുന്നത്.

Read Also: ദേശീയപാതയോരത്തേയ്ക്ക് കൂപ്പുകുത്തിയ ചെറുവിമാനം വിമാനം കത്തിയമർന്നു: റോഡിലുണ്ടായിരുന്ന മൂന്ന് പേർ കൊല്ലപ്പെട്ടു

ഓറഞ്ച് നിറത്തിലുള്ള റേക്കാണ് കേരളത്തിനായി അനുവദിച്ചിരിക്കുന്നത്. സീറ്റുകള്‍ കുറവെന്ന പരാതിക്കും ഇതോടെ പരിഹാരമായി. വെള്ളിയാഴ്ച രാവിലെ 5.15-നാണ് ട്രെയിന്‍ തിരുവനന്തപുരത്ത് നിന്ന് പുറപ്പെട്ടത്. ഉച്ചയ്ക്ക് 1.20-ഓടെ കാസര്‍കോടെത്തി. വരും ദിവസങ്ങളിലും ടിക്കറ്റ് ബുക്കിംഗ് പൂര്‍ത്തിയായതായാണ് വിവരം.