സിങ്കം പോലെയുള്ള സിനിമകൾ അപകടകരമായ സന്ദേശമാണ് സമൂഹത്തിന് നൽകുന്നത്: ബോംബെ ഹൈക്കോടതി ജഡ്ജി

ന്യൂഡൽഹി: സിങ്കം പോലുള്ള ബ്ലോക്ക്ബസ്റ്റർ സിനിമകൾ തെറ്റായ കീഴ്വഴക്കമുണ്ടാക്കുകയും സമൂഹത്തിന് അപകടകരമായ സന്ദേശം നൽകുകയും ചെയ്യുന്നുവെന്ന് ബോംബെ ഹൈക്കോടതി ജഡ്ജി ഗൗതം പട്ടേൽ. ഒരു ഹീറോ പോലീസിന്റെ ‘തൽക്ഷണം നീതി’ എന്ന സിനിമാറ്റിക് ഇമേജറി തെറ്റായ സന്ദേശം നൽകുക മാത്രമല്ല, നിയമാനുസൃതമായ നടപടിക്രമങ്ങളോടുള്ള ‘കാലതാമസത്തെ’ പ്രോത്സാഹിപ്പിക്കുകയും ചെയ്തുവെന്ന് ജസ്റ്റിസ് പട്ടേൽ സൂചിപ്പിച്ചു. ഇന്ത്യൻ പോലീസ് ഫൗണ്ടേഷന്റെ വാർഷിക ദിനവും പോലീസ് പരിഷ്‌കരണ ദിനവും പ്രമാണിച്ച് സംഘടിപ്പിച്ച പരിപാടിയെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അദ്ദേഹം.

‘സിനിമകളിൽ, ന്യായാധിപന്മാർക്ക് നേരെ പോലീസ് ശബ്ദമുയർത്തുന്നത്, നായകന്മാർ കോടതിയെ കുറ്റപ്പെടുത്തുന്നത്, കുറ്റവാളികളെ വെറുതെ വിടുന്ന കോടതികൾ, നായകൻ ഒറ്റയ്ക്ക് നീതി നടപ്പാക്കുന്നത്, ഇതൊക്കെ സമൂഹത്തിന് നൽകുന്നത് മോശം സന്ദേശമാണ്. സിംഘം സിനിമയുടെ ക്ലൈമാക്‌സിൽ പ്രകാശ് രാജ് അവതരിപ്പിച്ച രാഷ്ട്രീയക്കാരന്റെ നേരെ മുഴുവൻ പോലീസ് സേനയും ഇറങ്ങുന്നതും നീതി ഇപ്പോൾ ലഭിച്ചുവെന്ന് കാണിക്കുന്നതും തെറ്റാണ്. ആ സിനിമ നൽകുന്ന സന്ദേശം എത്ര അപകടകരമാണെന്ന് ചിന്തിക്കണം’, അദ്ദേഹം പറഞ്ഞു.

‘എന്തുകൊണ്ടാണ് ഈ അക്ഷമ? നിരപരാധിയോ കുറ്റമോ തീരുമാനിക്കുന്ന ഒരു പ്രക്രിയയിലൂടെ കടന്നുപോകണം. ഈ പ്രക്രിയകൾ മന്ദഗതിയിലാണ്… അവ അങ്ങനെ തന്നെ ആയിരിക്കണം… കാരണം ഒരു വ്യക്തിയുടെ സ്വാതന്ത്ര്യം കണ്ടുകെട്ടാൻ പാടില്ല എന്ന പ്രധാന തത്വം ഇതിലുണ്ട്. കുറുക്കുവഴികൾക്ക് വേണ്ടി ഈ പ്രക്രിയ ഉപേക്ഷികുന്നത് നിയമവാഴ്ചയെ അട്ടിമറിക്കുന്നതിന് തുല്യമാണ്’, അദ്ദേഹം കൂട്ടിച്ചേർത്തു.

രോഹിത് ഷെട്ടി സംവിധാനം ചെയ്ത ഒരു ആക്ഷൻ ചിത്രമാണ് 2011 ജൂലൈയിൽ പുറത്തിറങ്ങിയ സിങ്കം. 2010-ൽ ഇതേ പേരിലുള്ള തമിഴ് ചിത്രത്തിന്റെ റീമേക്ക് ആയിരുന്നു സിങ്കം. അജയ് ദേവ്ഗൺ ആണ് ചിത്രത്തിലെ നായകൻ. അജയ് ഒരു പോലീസ് ഓഫീസറായി അഭിനയിക്കുന്നു.