അഗർത്തല: ലാൻഡിംഗിനിടെ വിമാനത്തിന്റെ വാതിൽ തുറക്കാൻ ശ്രമിച്ച് യാത്രക്കാരനെ കൈകാര്യം ചെയ്ത് സഹയാത്രികർ. ഗുവാഹത്തിയിൽ നിന്ന് അഗർത്തലയിലേക്കുള്ള ഇൻഡിഗോ വിമാനത്തിന്റെ മുൻവാതിലാണ് യാത്രക്കാരൻ തുറക്കാൻ ശ്രമിച്ചത്. സംഭവവുമായി ബന്ധപ്പെട്ട് ബിശ്വജിത് ദേബ്നാഥ് എന്ന യുവാവിനെ ത്രിപുര പോലീസ് അറസ്റ്റ് ചെയ്തു.
കിഴക്കൻ അഗർത്തല സ്വദേശിയാണ് ബിശ്വജിത്. വിമാനം ലാൻഡ് ചെയ്യാനൊരുങ്ങിയപ്പോൾ ഇയാൾ പെട്ടെന്ന് വാതിലിനടുത്തേക്ക് ഓടിയെത്തി വാതിൽ തുറക്കാൻ ശ്രമിച്ചു. വിമാന ജീവനക്കാർ എത്തി ഇയാളെ തടഞ്ഞു. സഹയാത്രക്കാരുടെ സഹായത്തോടെ ഇയാളെ തിരികെ സീറ്റിൽ എത്തിച്ചു. വാതിൽ തുറക്കാൻ പലതവണ മുന്നോട്ട് പോകാൻ ശ്രമിച്ചു. തുടർന്ന് രോഷാകുലരായ യാത്രക്കാർ ഇയാളെ മർദ്ദിച്ചു.
പ്രതി മയക്കുമരുന്നിടിമയാണെന്ന് പോലീസ് പറഞ്ഞു.
Post Your Comments