ഇന്ത്യൻ ഉപഭോക്താക്കൾക്ക് മാത്രമായി ഒരു കിടിലൻ ഫോൺ, ടെക്നോ മൂൺ എക്സ്പ്ലോറർ എഡിഷൻ അവതരിപ്പിച്ചു

ഇന്ത്യൻ ഉപഭോക്താക്കളെ മാത്രം ലക്ഷ്യമിട്ട് പുതിയൊരു ഹാൻഡ്സെറ്റ് വിപണിയിൽ അവതരിപ്പിച്ചിരിക്കുകയാണ് പ്രമുഖ സ്മാർട്ട്ഫോൺ നിർമ്മാതാക്കളായ ടെക്നോ. റിപ്പോർട്ടുകൾ പ്രകാരം, ടെക്നോ സ്പാർക്ക് 10 പ്രോ മൂൺ എക്സ്പ്ലോറർ എഡിഷനാണ് പുതുതായി അവതരിപ്പിച്ചിരിക്കുന്നത്. ടെക്നോ സ്പാർക്ക് 10 പ്രോ ഈ വർഷം മാർച്ചിൽ പുറത്തിറക്കിയതിന് പിന്നാലെയാണ് ടെക്നോ മൂൺ എക്സ്പ്ലോറർ എഡിഷനും എത്തുന്നത്. ഉപഭോക്താക്കൾക്ക് ഏറ്റവും അടുത്തുള്ള റീട്ടെയിൽ സ്റ്റോർ സന്ദർശിച്ച്, ഈ ഹാൻഡ്സെറ്റുകൾ മുൻകൂട്ടി ബുക്ക് ചെയ്യാവുന്നതാണ്. പ്രധാന ഫീച്ചറുകൾ എന്തൊക്കെയെന്ന് പരിചയപ്പെടാം.

6.78 ഇഞ്ച് ഫുൾ എച്ച്ഡി പ്ലസ് ഡോട്ട്-ഇൻ ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിരിക്കുന്നത്. 90 ഹെർട്സ് റിഫ്രഷ് റേറ്റും, 270 ഹെർട്സ് ടച്ച് സാംപ്ലിംഗ് റേറ്റും ലഭ്യമാണ്. മീഡിയടെക് ഹീലിയോ ജി66 പ്രോസസറാണ് ഈ സ്മാർട്ട്ഫോണുകൾക്ക് കരുത്ത് പകരുന്നത്. 50 മെഗാപിക്സൽ ഡ്യുവൽ ക്യാമറ പിന്നിലും, 32 മെഗാപിക്സൽ ക്യാമറ മുന്നിലും സജ്ജീകരിച്ചിട്ടുണ്ട്. ആകർഷകമായ ഡിസൈനിൽ എത്തുന്ന ടെക്നോ സ്പാർക്ക് 10 പ്രോ മൂൺ എക്സ്പ്ലോറർ 11,999 രൂപയ്ക്ക് മുൻകൂട്ടി ബുക്ക് ചെയ്യാവുന്നതാണ്.

Also Read: അതിവേഗം ബഹുദൂരം യുഡിഎഫ്, ജെയ്ക്കിന് ഹാട്രിക് തോൽവിയോ?