പ്രധാനമന്ത്രി സ്ഥാനാർത്ഥിയായി അരവിന്ദ് കെജ്രിവാളിനെ പ്രഖ്യാപിക്കണമെന്ന ആവശ്യവുമായി ആം ആദ്മി പാർട്ടി രംഗത്ത്. രാജ്യത്തിന് മുഴുവൻ പ്രയോജനപ്പെടുത്താവുന്ന ഒരു മാതൃകയാണ് അദ്ദേഹം നൽകിയത്. അതിനാൽ ഡൽഹി മുഖ്യമന്ത്രിയെ പ്രധാനമന്ത്രി സ്ഥാനാർത്ഥിയായി പ്രഖ്യാപിക്കണമെന്നും എഎപി ആവശ്യപ്പെട്ടു. അതേസമയം, നേരത്തെ രാഹുൽ ഗാന്ധിയുടെ പേര് കോൺഗ്രസ് നിർദ്ദേശിച്ചിരുന്നു. ഇതിനിടെയാണ് പുതിയ ഒരു ആവശ്യവുമായി ആം ആദ്മി രംഗത്തെത്തിയത്.
നാളെ മുംബൈയിൽ നടക്കുന്ന ഇന്ത്യ സഖ്യത്തിന്റെ യോഗത്തിന് മുന്നോടിയാണ് ഈ സംഭവം. 2024ലെ ലോക്‌സഭാ തിരഞ്ഞെടുപ്പിൽ ബിജെപിയുടെ നേതൃത്വത്തിലുള്ള എൻഡിഎയെ നേരിടാനും തങ്ങൾക്കിടയിലുള്ള ഭിന്നത പരിഹരിക്കാനും പ്രതിപക്ഷ നേതാക്കൾ സംയുക്ത പ്രചാരണ തന്ത്രം ആവിഷ്‌കരിക്കുകയാണ്.
കെജ്‌രിവാൾ എല്ലായ്‌പ്പോഴും ലാഭകരവും ജനക്ഷേമവുമായ ബജറ്റ് അവതരിപ്പിക്കാറുണ്ടെന്നും എഎപി മുഖ്യ വക്താവ് പ്രിയങ്ക കക്കർ വാർത്താ ഏജൻസിയായ പിടിഐയോട് പറഞ്ഞു. ഇന്ത്യൻ സഖ്യത്തിന്റെ പ്രധാനമന്ത്രി സ്ഥാനാർത്ഥി ആരായിരിക്കണമെന്ന ചോദ്യത്തിനായിരുന്നു കക്കറിന്റെ പ്രതികരണം.
Post Your Comments