കാണാതായ പെൺകുട്ടി വിവസ്ത്രയായ നിലയിൽ ആ​ളില്ലാത്ത വീട്ടിൽ: കാലുകൾ കെട്ടിയിട്ട നിലയിൽ

കോഴിക്കോട്: തൊട്ടിൽപാലത്ത് നിന്ന് കാണാതായ കോളജ് വിദ്യാർത്ഥിനിയെ കണ്ടെത്തി. വിവസ്ത്രയാക്കി കാലുകൾ കെട്ടിയിട്ട നിലയിൽ ആൾപാർപ്പില്ലാത്ത വീട്ടിൽ നിന്നാണ് വിദ്യാർത്ഥിനിയെ കണ്ടെത്തിയത്. ഇവിടെ നിന്ന് എം.ഡി.എം.എ ലഹരിമരുന്നും കണ്ടെടുത്തു. പെൺകുട്ടി ബലാത്സംഗത്തിനിരയായതായി പൊലീസ് സംശയിക്കുന്നു.

ബുധനാഴ്ച രാവിലെയാണ് പെൺകുട്ടിയെ കാണാതായത്. തുടർന്ന്, ബന്ധുക്കൾ പരാതി നൽകിയതിന്റെ അടിസ്ഥാനത്തിലാണ് പൊലീസ് അന്വേഷണം നടത്തിയത്.

Read Also : വീണാ വിജയനുമായി ബന്ധപ്പെട്ട ഇടപാടിൽ പണം കൈമാറിയത് മുഖ്യമന്ത്രിക്ക് : 7 ചോദ്യങ്ങളുമായി വിഡി സതീശൻ

കോളജിലേക്ക് പോയ പെൺകുട്ടിയെ തട്ടിക്കൊണ്ടുപോയി ആളില്ലാത്ത വീട്ടിൽ ഉപേക്ഷിച്ചതാണെന്നാണ് കരുതുന്നത്. ​പെൺകുട്ടിയുടെ മൊബൈൽ ടവർ കേന്ദ്രീകരിച്ചാണ് അന്വേഷണം നടത്തിയത്.

തൊട്ടിൽപാലത്തെ ലഹരിക്കടിമയായ യുവാവാണ് തട്ടിക്കൊണ്ടുപോകലിന് പിന്നിലെന്നാണ് നി​ഗമനം. യുവാവിനായി പൊലീസ് തിരച്ചിൽ ആരംഭിച്ചു.‍

പെൺകുട്ടിയെ ആശുപത്രിയിൽ പ്രവേശിപ്പിച്ച് വൈദ്യപരിശോധന നടത്തി. ആരോഗ്യനില തൃപ്തികരമാണ്. പൊലീസ് പെൺകുട്ടിയിൽ നിന്ന് മൊഴിയെടുക്കുകയാണ്.