ലോട്ടറി വകുപ്പിലാകെ തട്ടിപ്പ്: ഓഫീസിലെത്തി ഉപകരണങ്ങൾ അടിച്ച് തകർത്ത് മധ്യവയസ്കൻ,  പ്രിന്‍ററും ഉൾപ്പെടെ നശിപ്പിച്ചു

പത്തനംതിട്ട: ലോട്ടറി വകുപ്പിലാകെ തട്ടിപ്പാണെന്നും ഏജന്‍റുമാരെ വഞ്ചിക്കുകയാണെന്നും പറഞ്ഞ് മധ്യവയസ്കൻ പത്തനംതിട്ട ജില്ലാ ലോട്ടറി ഓഫീസിലെത്തി ഉപകരണങ്ങൾ അടിച്ച് തകർത്തു. നാരങ്ങാനം സ്വദേശി വിനോദാണ് കമ്പ്യൂട്ടറും പ്രിന്‍ററും ഉൾപ്പെടെ ഉള്ള ഉപകരണങ്ങൾ തകർത്തത്.

ലോട്ടറി ഏജന്‍റാണ് താനെന്ന് പറഞ്ഞാണ് വിനോദ് ഓഫീസിൽ എത്തിയത്. ഓഫീസ് കത്തിക്കുമെന്നും ഭീഷണിപ്പെടുത്തിയ ഇയാളെ ടൗൺ പൊലീസെത്തി കീഴ്പ്പെടുത്തുകയായിരുന്നു.